Burynǵy premer-ministr Asqar Mamin Májilistiń burynǵy spikeri Nurlan Nyǵmatýlin jáne Qazaqstan fýtbol federatsiiasynyń burynǵy prezidenti Ádilbek Jaqsybekovpen birge túsken sýretine qatysty pikir bildirdi, - dep habarlaidy Tengrinews.kz.
Eks-sheneýnikterdiń sýreti birneshe BAQ pen Telegram-arnalarynda paida boldy. Asqar Mamin sýret shyn ekenin jáne ol Nur-Sultanda túsirilgenin rastady.
"Rasynda, ótken jeksenbide (4 qyrkúiek) Nur-Sultandaǵy meiramhanalardyń birinde túski ýaqytta jaqyn týystarym uiymdastyrǵan qazaqtyń salt-dástúrine sai ("Syrǵa salý") shara ótti", - dedi Mamin.
"Sýret týraly keibir BAQ-ta aitylǵan boljamdardy orynsyz jáne arandatý dep sanaimyn. Elimiz qazir damýdyń, onyń ishinde saiasi transformatsiianyń tarihi kezeńinde tur. Osyǵan orai, osyndai sheshýshi kezeńde Memleket basshysynyń tóńiregine toptasyp, arandatýshylar men destrýktiv maqsattaǵy adamdarǵa eshqandai múmkindik bermeý kerek dep esepteimin", - dep túiindedi sózin.
