QR Premer-Ministri Asqar Mamin uzyndyǵy 87 shaqyrym bolatyn Nur-Sultan qalasynyń mańyndaǵy ainalma avtojoldy ashý rásimine qatysty, dep habarlaidy "Ult aqparat".
«QR Tuńǵysh Prezidenti – Elbasy Nursultan Ábishuly Nazarbaev pen Memleket basshysy Qasym-Jomart Kemeluly Toqaev elordanyń damýyna erekshe nazar aýdarady. Búgingi tańda Nur-Sultan qalasynyń kólik infraqurylymyn damytý aiasynda biz óte mańyzdy oqiǵaǵa kýá bolyp otyrmyz – elorda mańyndaǵy uzyndyǵy 87 shaqyrym bolatyn ainalma jol boiymen tolyq qozǵalys ashylýda», — dedi A. Mamin.
Úkimet basshysy «shuǵyla» qaǵidaty boiynsha elordadan Ońtústik – Ortalyq, Ortalyq – Shyǵys, Ortalyq – Batys baǵyttarynda qaýipsiz ári sapaly avtomobil joldarynyń jobalary iske asyrylyp jatqanyn, bul elimizdiń ońtústiginen soltústigine jáne batysynan shyǵysyna týra ótýdi qamtamasyz etetinin atap ótti.
Elordanyń ainalma avtojolynyń ashylýy qalanyń kólik júiesiniń tiimdiligin arttyrýǵa, avtokólikterdiń jyldamdyq rejimin ulǵaitýǵa jáne júrgizýshilerdiń ýaqyt shyǵyndaryn qysqartýǵa, sondai-aq, Nur-Sultan qalasyndaǵy ekologiialyq jaǵdaidy jaqsartýǵa múmkindik beredi.
Avtojoldy ashý rásimi aiasynda Úkimet basshysy «QazJolǴZI» AQ ǵylymi-zertteý institýty men birqatar qazaqstandyq kompaniialar usynǵan avtojol salasyndaǵy jańa tehnologiialarmen jáne materialdarmen tanysty.
