QR Premer-Ministri Asqar Mamin Nur-Sultan qalasyn damytýdyń ózekti máseleleri jóninde keńes ótkizdi, dep habarlaidy "Ult aqparat" primeminister.kz portalyna silteme jasap.
Keńes barysynda QR Tuńǵysh Prezidenti - Elbasy Nursultan Nazarbaevtyń besjyldyq kezeńge (2019-2023 jyldarǵa) qalanyń jinaqy qurylysy jónindegi Keshendi josparyn iske asyrý boiynsha, sondai-aq, QR Prezidenti Qasym-Jomart Toqaevtyń elordany damytý jónindegi tapsyrmalarynyń oryndalý barysy qaraldy. Júieli máselelerdi sheshýge nazar aýdaryldy, olardyń qatarynda turǵyn úidiń qoljetimdiligin arttyrý, áleýmettik nysandar salý, kólik infraqurylymyn damytý, magistraldyq, oramishilik jáne aýlaishilik joldardyń jai-kúiin jaqsartý, qoǵamdyq qaýipsizdikti qamtamasyz etý, kóshelerdi, saiabaqtar men basqa da qoǵamdyq oryndardy jaryqtandyrý, kommýnaldyq qyzmetter usynatyn qyzmetter sapasyn arttyrý, sondai-aq shetkeri aimaqtardy damytý máselesi boldy.
Keshendi jospardyń iske asyrylýy jáne Nur-Sultan qalasyn damytýdyń ózekti máseleleri týraly qala ákimi B. Sultanov baiandady. Óz kezeginde, densaýlyq saqtaý ministri E. Birtanov, bilim jáne ǵylym ministri K. Shámshidinova, aýyl sharýashylyǵy ministri S. Omarov, mádeniet jáne sport ministri A. Muhamediuly, indýstriia jáne infraqurylymdyq damý birinshi vitse-ministri Q. Óskenbaev, qarjy birinshi vitse-ministri B. Sholpanqulov, sonymen qatar energetika vitse-ministri M. Myrzaǵaliev beiindi baǵyttar boiynsha júrgizilip jatqan jumystar týraly habarlady.
QR Premer-Ministri A. Mamin Elbasy esimin ielenýine bailanysty qalany damytýǵa jańa serpin alǵan elordanyń joǵary statýsyn atap ótti. Tarihi turǵydan az ýaqyt ishinde shaǵyn qala iri megapoliske ainaldy, Nur-Sultan qalasynyń odan ári qarqyndy damýyn qamtamasyz etý qajet. Sondyqtan infraqurylym sapasy, elordanyń syrtqy keskin-kelbeti, azamattardyń ómir súrý jáne qolailylyq deńgeii memlekettik organdardyń jumysynyń basymdyqty baǵyttary bolýy kerek.
«Qalanyń damýyna erekshe kóńil bólý kerek, infraqurylymdyq máselelerdi sheshý boiynsha kúndelikti baqylaý jasap, sharalardy ýaqytyly qabyldaý kerek», - dedi A. Mamin.
Úkimet tarapynan bul baǵytta barlyq qoldaý sharalary kórsetiledi. Elbasynyń «Áleýmettik qamqorlyq» jańa áleýmettik bastamalary aiasynda Keshendi jospar men jobalardyń iske asyrylýyn qarjylandyrý tolyq kólemde qamtamasyz etiledi.
Keńesti qorytyndylaǵan Úkimet basshysy birqatar naqty tapsyrmalar berdi. Nur-Sultan qalasynyń ákimdigine múddeli memlekettik organdarmen birlesip, Keshendi jospardyń is-sharalaryn sapaly ári ýaqytyly oryndaý boiynsha qajetti sharalardy qabyldaý, qala qurylysy men investitsiialyq jobalardy iske asyrý boiynsha aitylǵan máselelerge qatysty naqty usynystardy ázirlep, engizý tapsyryldy.
QR Premer-Ministri A. Mamin «Astana» Halyqaralyq Qarjy Ortalyǵy Nur-Sultan qalasynyń ekonomikasyn damytýdyń draiverleriniń birine ainalýy kerek ekenin atap ótti. Qajetti institýtsionaldyq quqyqtyq baza qurylǵan, AHQO qyzmeti úshin tiisti infraqurylym damytylǵan.
«Nur-Sultan qalasynyń ákimdigine sheteldik investorlardyń kelýine jaǵdaidy jaqsartý kerek, sonyń ishinde qolaily ómir súrýdi, qaýipsiz ortany jáne aldyńǵy qatarly halyqaralyq standarttar deńgeiinde áleýmettik qyzmetterge qoljetimdilikti qamtamasyz etý qajet», - dedi A. Mamin.
