Qazaqstan Respýblikasynyń Premer-Ministri Asqar Mamin Nur-Sultan qalasyna HII Astana ekonomikalyq forýmyna qatysý úshin kelgen Armeniia Respýblikasynyń Prezidenti Armen Sarkisianmen kelissózder júrgizdi.
Áńgimelesý barysynda ekonomika salasyndaǵy qazaqstan–armian qatynastarynyń ózekti máseleleri, ózara tiimdi yntymaqtastyqty, onyń ishinde Eýraziialyq ekonomikalyq odaq aiasyndaǵy ózara is-qimyldy keńeitý jáne tereńdetý perspektivalary talqylandy.
Taraptar atap ótkendei, ózara is-qimylǵa Saýda-ekonomikalyq yntymaqtastyq jónindegi úkimetaralyq komissiia jumysyn kúsheitý aitarlyqtai serpin beredi. Elderdiń naryqtaryna jasalǵan taldaý himiia ónerkásibi, mashina jasaý jáne aýyl sharýashylyǵy salalaryndaǵy ózara jetkizilimderdi ulǵaitý men saýda-sattyqty ári qarai keńeitý áleýetin kórsetti.
Armeniia Prezidenti Armen Sarkisian jasandy zerdeni, energetikany, logistikany, aviatsiiany, ǵarysh salasyn, argoónerkásiptik keshendi, qorshaǵan ortany qorǵaý, bilim berý jáne týrizm salasyn damytý turǵysynan tsifrlandyrý salalary ekijaqty qarym-qatynasty tereńdetýge qyzyǵýshylyq týdyratynyn aitty.
Óz kezeginde QR Úkimetiniń basshysy A. Mamin ekonomikalyq qarym-qatynastardy tolyqqandy formatta damytýǵa, taýar ainalymy kólemi men investitsiialyq yntymaqtastyqty arttyrýǵa qyzyǵýshylyǵyn bildirdi.
