1 qarashada Qazaqstan premer-ministri Asqar Mamin Shotlandiianyń Glazgo qalasynda klimattyń ózgerýi jónindegi BUU Negizdemelik konventsiiasynyń Álem kóshbasshylary sammitine (SOR26) qatysty, - dep habarlaidy "Ult aqparat" vedomstvonyń baspasóz qyzmetine silteme jasap.
Úkimet basshysy óz sózinde Qazaqstan álemde alǵashqylardyń biri bolyp Parij kelisimin ratifikatsiialaǵanyn atap ótti (2016 jylǵy 6 jeltoqsanda). Atalǵan qujatty júzege asyrý úshin QR 2030 jylǵa qarai parniktik gaz shyǵaryndylaryn 15 paiyzǵa qysqartýǵa nietti. Qoiylǵan maqsatqa qol jetkizý úshin Qazaqstan ulttyq deńgeide aiqyndalǵan úlesin (UDAÚ) jańartty, sondai-aq jańa Ekologiialyq kodeksti qabyldady.
"Qazaqstan jańartylatyn energiia kózderinen alynatyn energiia kólemin 3 paiyzdan15 paiyzǵa deiin 5 ese, ekologiialyq taza kózderden óndiriletin energiia óndirisin 20 paiyzdan 38 paiyzǵa deiin 2 ese arttyrady. 2025 jylǵa qarai 2 milliardtan asa aǵash otyrǵyzý esebinen kómirtekti sińirý áleýeti artady. Kómirden óndiriletin energiia úlesi 70 paiyzdan 40 paiyzǵa deiin tómendeidi dep josparlanǵan", - dedi Mamin.
Premer-ministr 2020 jyly jeltoqsanda ótken Klimattyq ambitsiialar jónindegi sammitte QR Prezidenti Qasym-Jomart Toqaev Qazaqstannyń 2060 jylǵa qarai kómirtekti beitaraptyqqa qol jetkizý maqsatyn jariialaǵanyn atap ótti. QR Úkimeti ony iske asyrý úshin energetika, óńdeý ónerkásibi, aýyl jáne orman sharýashylyǵy, kólik, TKSh jáne qaldyqtardy kádege jaratýǵa basa nazar aýdara otyryp, ekonomikanyń barlyq sektorlarynda eleýli reformalardy kózdeitin strategiialyq qujatty ázirleýdi aiaqtaýda.
Qazaqstannyń kómirtegi beitaraptyǵyna jer men sýdy paidalanýdyń ornyqtylyǵyn, ekonomikanyń energetikalyq tiimdiligin arttyrý, elektrlendirý jáne ekologiialyq taza, onyń ishinde jańartylatyn energiia kózderin keń aýqymdy paidalaný arqyly qol jetkiziletin bolady. Parniktik gaz shyǵaryndylaryn azaitý josparlaryn iske asyrý kezinde naryq tetikteri men jeke investitsiialardyń áleýeti barynsha paidalanylady.
Úkimet basshysy Qazaqstannyń ornyqty damý boiynsha Ortalyq Aziianyń Aimaqtyq klimattyq haby bolýǵa beiildiligin rastady. Bul aimaq elderiniń kúsh-jigerin AHQO Jasyl qarjy ortalyǵynyń jáne klimattyq kún tártibimen ainalysatyn basqa da aimaqtyq uiymdardyń alańynda tehnologiialar transferti, jasyl qarjylandyrýdy tartý, bilim men innovatsiialar almasý arqyly "jasyl" ekonomikalyq ósýdi qamtamasyz etýde biriktirýge múmkindik beredi.
SOR26 sheńberinde Qazaqstan Ormandar jáne jerdi paidalaný deklaratsiiasyna, sondai-aq Jastarǵa bilim berý jáne olardy tartý mindettemesine qosyldy.
Álem kóshbasshylary sammiti kezinde Qazaqstan Úkimetiniń basshysy Finliandiia Prezidenti Saýli Niinestiomen, Mońǵoliia Prezidenti Ýhnaagiin Hýrelsýhpen, Qyrǵyzstan Prezidenti Sadyr Japarovpen, Latviia Prezidenti Egils Levitspen, Niderlandy premer-ministri Mark Riýttemen, Úndistan premer-ministri Narendra Modimen jáne AQSh Prezidentiniń klimat máseleleri jónindegi Arnaiy ýákili Djon Kerrimen kezdesý ótkizdi.
Qazaqstannyń Dúniejúzilik saýda uiymynyń 12-shi ministrlik konferentsiiasyna (Jeneva qalasy, 2021 j. 30 qarasha-3 jeltoqsan) tóraǵalyq etýge daiyndyǵy aiasynda QR premer-ministri Mamin DSU Bas direktory Ngozi Okondjo-Ivealamen jáne Ulybritaniianyń Memlekettik syrtqy saýda ministri Enn-Mari Trevelianmen kezdesti.
Sapar jáne ekijaqty kezdesýler qorytyndysy boiynsha Qazaqstan Respýblikasy men Ulybritaniia jáne Soltústik Irlandiia Qurama Koroldigi úkimetteriniń strategiialyq seriktestik jáne klimattyń ózgerýine qarsy áreket etý jónindegi birlesken kúsh-jiger týraly birlesken málimdemesi qabyldandy.
Qujat qorshaǵan ortany qorǵaý, ekonomikany dekarbonizatsiialaý salasyndaǵy yntymaqtastyqty nyǵaitýdy, jańartylatyn energiia kózderin damytý, "jasyl" qarjylandyrý, ormandardy saqtaý, jerdi paidalanýdyń tiimdiligin arttyrý jáne t. b. salalardaǵy Qazaqstannyń áleýetin iske asyrýdy kózdeidi.
"Qazaqstan táýelsizdik alǵan jáne diplomatiialyq qatynastar ornatylǵan sátten bastap 30 jyl ishinde Qazaqstan men Ulybritaniia óz bailanystaryn ózara senimge, ortaq qundylyqtar men tiimdi yntymaqtastyqqa negizdelgen berik seriktestikke ainaldyrdy", - dep atap ótilgen birlesken málimdemede.
