1 قاراشادا قازاقستان پرەمەر-مينيسترٸ اسقار مامين شوتلاندييانىڭ گلازگو قالاسىندا كليماتتىڭ ٶزگەرۋٸ جٶنٸندەگٸ بۇۇ نەگٸزدەمەلٸك كونۆەنتسيياسىنىڭ ەلەم كٶشباسشىلارى سامميتٸنە (سور26) قاتىستى, - دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
ٷكٸمەت باسشىسى ٶز سٶزٸندە قازاقستان ەلەمدە العاشقىلاردىڭ بٸرٸ بولىپ پاريج كەلٸسٸمٸن راتيفيكاتسييالاعانىن اتاپ ٶتتٸ (2016 جىلعى 6 جەلتوقساندا). اتالعان قۇجاتتى جٷزەگە اسىرۋ ٷشٸن قر 2030 جىلعا قاراي پارنيكتٸك گاز شىعارىندىلارىن 15 پايىزعا قىسقارتۋعا نيەتتٸ. قويىلعان ماقساتقا قول جەتكٸزۋ ٷشٸن قازاقستان ۇلتتىق دەڭگەيدە ايقىندالعان ٷلەسٸن (ۇداٷ) جاڭارتتى, سونداي-اق جاڭا ەكولوگييالىق كودەكستٸ قابىلدادى.
"قازاقستان جاڭارتىلاتىن ەنەرگييا كٶزدەرٸنەن الىناتىن ەنەرگييا كٶلەمٸن 3 پايىزدان15 پايىزعا دەيٸن 5 ەسە, ەكولوگييالىق تازا كٶزدەردەن ٶندٸرٸلەتٸن ەنەرگييا ٶندٸرٸسٸن 20 پايىزدان 38 پايىزعا دەيٸن 2 ەسە ارتتىرادى. 2025 جىلعا قاراي 2 ميللياردتان اسا اعاش وتىرعىزۋ ەسەبٸنەن كٶمٸرتەكتٸ سٸڭٸرۋ ەلەۋەتٸ ارتادى. كٶمٸردەن ٶندٸرٸلەتٸن ەنەرگييا ٷلەسٸ 70 پايىزدان 40 پايىزعا دەيٸن تٶمەندەيدٸ دەپ جوسپارلانعان", - دەدٸ مامين.
پرەمەر-مينيستر 2020 جىلى جەلتوقساندا ٶتكەن كليماتتىق امبيتسييالار جٶنٸندەگٸ سامميتتە قر پرەزيدەنتٸ قاسىم-جومارت توقاەۆ قازاقستاننىڭ 2060 جىلعا قاراي كٶمٸرتەكتٸ بەيتاراپتىققا قول جەتكٸزۋ ماقساتىن جارييالاعانىن اتاپ ٶتتٸ. قر ٷكٸمەتٸ ونى ٸسكە اسىرۋ ٷشٸن ەنەرگەتيكا, ٶڭدەۋ ٶنەركەسٸبٸ, اۋىل جەنە ورمان شارۋاشىلىعى, كٶلٸك, تكش جەنە قالدىقتاردى كەدەگە جاراتۋعا باسا نازار اۋدارا وتىرىپ, ەكونوميكانىڭ بارلىق سەكتورلارىندا ەلەۋلٸ رەفورمالاردى كٶزدەيتٸن ستراتەگييالىق قۇجاتتى ەزٸرلەۋدٸ اياقتاۋدا.
قازاقستاننىڭ كٶمٸرتەگٸ بەيتاراپتىعىنا جەر مەن سۋدى پايدالانۋدىڭ ورنىقتىلىعىن, ەكونوميكانىڭ ەنەرگەتيكالىق تيٸمدٸلٸگٸن ارتتىرۋ, ەلەكترلەندٸرۋ جەنە ەكولوگييالىق تازا, ونىڭ ٸشٸندە جاڭارتىلاتىن ەنەرگييا كٶزدەرٸن كەڭ اۋقىمدى پايدالانۋ ارقىلى قول جەتكٸزٸلەتٸن بولادى. پارنيكتٸك گاز شىعارىندىلارىن ازايتۋ جوسپارلارىن ٸسكە اسىرۋ كەزٸندە نارىق تەتٸكتەرٸ مەن جەكە ينۆەستيتسييالاردىڭ ەلەۋەتٸ بارىنشا پايدالانىلادى.
ٷكٸمەت باسشىسى قازاقستاننىڭ ورنىقتى دامۋ بويىنشا ورتالىق ازييانىڭ ايماقتىق كليماتتىق حابى بولۋعا بەيٸلدٸلٸگٸن راستادى. بۇل ايماق ەلدەرٸنٸڭ كٷش-جٸگەرٸن احقو جاسىل قارجى ورتالىعىنىڭ جەنە كليماتتىق كٷن تەرتٸبٸمەن اينالىساتىن باسقا دا ايماقتىق ۇيىمداردىڭ الاڭىندا تەحنولوگييالار ترانسفەرتٸ, جاسىل قارجىلاندىرۋدى تارتۋ, بٸلٸم مەن يننوۆاتسييالار الماسۋ ارقىلى "جاسىل" ەكونوميكالىق ٶسۋدٸ قامتاماسىز ەتۋدە بٸرٸكتٸرۋگە مٷمكٸندٸك بەرەدٸ.
سور26 شەڭبەرٸندە قازاقستان ورماندار جەنە جەردٸ پايدالانۋ دەكلاراتسيياسىنا, سونداي-اق جاستارعا بٸلٸم بەرۋ جەنە ولاردى تارتۋ مٸندەتتەمەسٸنە قوسىلدى.
ەلەم كٶشباسشىلارى سامميتٸ كەزٸندە قازاقستان ٷكٸمەتٸنٸڭ باسشىسى فينلياندييا پرەزيدەنتٸ ساۋلي نيينەستيومەن, موڭعولييا پرەزيدەنتٸ ۋحنااگيين حۋرەلسۋحپەن, قىرعىزستان پرەزيدەنتٸ سادىر جاپاروۆپەن, لاتۆييا پرەزيدەنتٸ ەگيلس لەۆيتسپەن, نيدەرلاندى پرەمەر-مينيسترٸ مارك ريۋتتەمەن, ٷندٸستان پرەمەر-مينيسترٸ نارەندرا موديمەن جەنە اقش پرەزيدەنتٸنٸڭ كليمات مەسەلەلەرٸ جٶنٸندەگٸ ارنايى ۋەكٸلٸ دجون كەرريمەن كەزدەسۋ ٶتكٸزدٸ.
قازاقستاننىڭ دٷنيەجٷزٸلٸك ساۋدا ۇيىمىنىڭ 12-شٸ مينيسترلٸك كونفەرەنتسيياسىنا (جەنەۆا قالاسى, 2021 ج. 30 قاراشا-3 جەلتوقسان) تٶراعالىق ەتۋگە دايىندىعى اياسىندا قر پرەمەر-مينيسترٸ مامين دسۇ باس ديرەكتورى نگوزي وكوندجو-يۆەالامەن جەنە ۇلىبريتانييانىڭ مەملەكەتتٸك سىرتقى ساۋدا مينيسترٸ ەنن-ماري ترەۆەليانمەن كەزدەستٸ.
ساپار جەنە ەكٸجاقتى كەزدەسۋلەر قورىتىندىسى بويىنشا قازاقستان رەسپۋبليكاسى مەن ۇلىبريتانييا جەنە سولتٷستٸك يرلاندييا قۇراما كورولدٸگٸ ٷكٸمەتتەرٸنٸڭ ستراتەگييالىق سەرٸكتەستٸك جەنە كليماتتىڭ ٶزگەرۋٸنە قارسى ەرەكەت ەتۋ جٶنٸندەگٸ بٸرلەسكەن كٷش-جٸگەر تۋرالى بٸرلەسكەن مەلٸمدەمەسٸ قابىلداندى.
قۇجات قورشاعان ورتانى قورعاۋ, ەكونوميكانى دەكاربونيزاتسييالاۋ سالاسىنداعى ىنتىماقتاستىقتى نىعايتۋدى, جاڭارتىلاتىن ەنەرگييا كٶزدەرٸن دامىتۋ, "جاسىل" قارجىلاندىرۋ, ورمانداردى ساقتاۋ, جەردٸ پايدالانۋدىڭ تيٸمدٸلٸگٸن ارتتىرۋ جەنە ت. ب. سالالارداعى قازاقستاننىڭ ەلەۋەتٸن ٸسكە اسىرۋدى كٶزدەيدٸ.
"قازاقستان تەۋەلسٸزدٸك العان جەنە ديپلوماتييالىق قاتىناستار ورناتىلعان سەتتەن باستاپ 30 جىل ٸشٸندە قازاقستان مەن ۇلىبريتانييا ٶز بايلانىستارىن ٶزارا سەنٸمگە, ورتاق قۇندىلىقتار مەن تيٸمدٸ ىنتىماقتاستىققا نەگٸزدەلگەن بەرٸك سەرٸكتەستٸككە اينالدىردى", - دەپ اتاپ ٶتٸلگەن بٸرلەسكەن مەلٸمدەمەدە.
