QR Premer-Ministri Asqar Mamin Qazaqstanda «besinshi býyn» bailanys jelisin engizý máseleleri týraly keńes ótkizdi, dep habarlaidy primeminister.kz.
Keńes barysynda tsifrlyq ekonomika men zattar internetin damytý úshin múmkindikterdi keńeitýge jańa tehnologiiany engizýdiń yqpaly talqylandy (IoT).
QR Úkimetiniń basshysy beriletin derekterdiń aǵymynyń jyldamdyǵy men ótkizgishtik qabiletin arttyrý TKSh, aýyl sharýashylyǵy, ónerkásip, densaýlyq saqtaý salalarynda jobalardy iske asyrýda telemeditsiany damytý, Smart City komponenterin engizý, halyqtyń qaýipsizdigin qamtamasyz etý boiynsha jumystardyń tiimdiligin arttyrý t.b. turǵysynan salmaqty serpin beretinin baiandady.
QR Tsifrlyq damý, qorǵanys jáne aeroǵarysh ónerkásibi ministrliginiń málimetterinshe, Qazaqstan AQSh, Ońtústik Koreia, Shveitsariia, Estoniia elderimen qatar jańa jelini engizýdi pilottaýǵa kóshken álem elderiniń ondyǵyna kiredi.
El aýmaǵyn 5G qamtý úshin infraqurylym jasaý boiynsha jumystar aiasynda osy jyldyń sońyna deiin Nur-Sultan, Almaty, Shymkent qalalarynda pilottyq jobany iske asyrý josparlanǵan. Jalpy, 5G bailanys jelisimen adamdar sany 50 myńnan asatyn barlyq eldi mekender qamtylady dep kútilýde.
Talqylaý qorytyndysy boiynsha QR Premer-Ministri Asqar Mamin Qazaqstanda 5G engizý boiynsha Sharalar josparyn ázirleýdi tapsyrdy.
Keńeske QR tsifrlyq damý, qorǵanys jáne aeroǵarysh ónerkásibi ministri A. Jumaǵaliev, QR indýstriia jáne infraqurylymdyq damý ministri R. Skliar, «Qazaqtelekom» AQ basqarma tóraǵasy Q. Esekeev jáne t.b. qatysty.
