QR Premer-Ministri Asqar Mamin Jobalyq keńseniń kásipkerlik máseleleri jónindegi otyrysyn ótkizdi, dep habarlaidy primeminister.kz.
Óńirlerdiń ekonomikalyq kartasyn ázirleý, «Qarapaiym zattar ekonomikasy» jeńildikpen nesielendirý baǵdarlamasyn iske asyrý, jeńildikpen nesielendirýdiń basqa da baǵdarlamalaryna monitoring júrgizý jónindegi jumys barysy, memlekettik organdardyń, «Samuryq-Qazyna» UÁQ» AQ jáne jer qoinaýyn paidalanýshylardyń satyp alýlaryndaǵy jergilikti qamtý máseleleri qaraldy.
Otyrysqa Úkimet músheleri, QR Prezident Ákimshiliginiń ókilderi, óńirlerdiń ákimderi, «Samuryq-Qazyna» UÁQ» AQ, «Atameken» UKP, «Báiterek» UBH» AQ, «Damý» KDQ», «Agrarlyq nesie korporatsiiasy», Qazaqstan qarjygerler qaýymdastyǵy, óńirlik kásipkerler palatalarynyń basshylary jáne t. b. qatysty.
Úkimet basshysyna óńirlerdiń óndiristik mamandanýyn aiqyndaýǵa, óńirler, salalar jáne naqty memlekettik baǵdarlamalar bólinisinde memlekettik qoldaý sharalarynyń tiimdiligine taldaý júrgizýge múmkindik beretin óńirlerdiń Interaktivti ekonomikalyq kartasynyń jobasy tanystyryldy. Interaktivti ekonomikalyq karta úshin barynsha tolyq derekterdi Qostanai, Qaraǵandy oblystarynyń jáne Shymkent qalasynyń ákimdikteri usynǵan, Jambyl, Túrkistan, Mańǵystaý, Shyǵys Qazaqstan oblystary jáne Nur-Sultan qalasy máseleni jetkilikti pysyqtap jatqan joq.
«Óńirlerdiń interaktivtik ekonomikalyq kartasy 2021-2025 jyldarǵa arnalǵan Óńirlik damý baǵdarlamalaryn ázirleý úshin negiz bolýy tiis. Kezeń-kezeńmen derekterdi ózektendirýdi qamtamasyz etý qajet. Jobalyq keńse ákimdikter men damý institýttary úshin kórsetkishterdiń túpkilikti tizbesin aiqyndaýy qajet», — dedi A. Mamin.
Aǵymdaǵy jylǵy 1 qazannan bastap «Qarapaiym zattar ekonomikasy» baǵdarlamasyna túzetýlerdiń 6-toptamasy kúshine endi, olar ekonomikalyq belsendilikti qalpyna keltirýde eleýli qoldaý kórsetýge baǵyttalǵan.
Máselen, Qazaqstannyń Damý bankiniń baǵdarlama operatory retinde qosylýy importty almastyrýǵa baǵyttalǵan infraqurylymdyq jobalardy qarjylandyrýǵa múmkindik beredi.
«Damý» qorynyń kepildikterin qaraý jáne berý merzimderin 25 jumys kúninen 15 jumys kúnine deiin qysqartý kózdelgen. AÓK salasyndaǵy jobalar úshin «Aýyl sharýashylyǵyn qarjylai qoldaý qory» AQ-nyń 50%-dan 85%-ǵa deiingi mólsherde kepildik berý tetigi engizildi. Aǵymdaǵy jylǵy 19 qazandaǵy jaǵdai boiynsha «Qarapaiym zattar ekonomikasy» jeńildikti nesielendirý baǵdarlamasy boiynsha 603 mlrd teńge somasyna 2492 joba maquldandy, 364,5 mlrd teńge somasyna 2192 joba sýbsidiialandy. Jańa jobalardy pysyqtaý boiynsha kósh basynda Almaty qalasy, Qostanai jáne Shyǵys Qazaqstan oblystary, eń tómengi kórsetkishter Aqmola, Mańǵystaý jáne Batys Qazaqstan oblystarynda tirkeldi.
Premer-Ministr Memleket basshysynyń biznestiń qarsy mindettemelerine tsifrlyq baqylaýdy engizý jónindegi tapsyrmasyna sáikes bir ai merzimde zańnamaǵa tiisti ózgerister engizý máselesin pysyqtaýdy tapsyrdy.
«Memlekettik qoldaý barynsha joǵary nátije alýǵa baǵyttalýy tiis. Sondyqtan birinshi kezekte, jumyspen qamtýdy saqtaý, salyqtar men óndiriletin ónim kólemin ulǵaitýǵa qatysty biznestiń qarsy mindettemelerin baqylaý qajet», — dedi A. Mamin.
