QR Premer-Ministri Asqar Maminniń tóraǵalyǵymen ótken Úkimet otyrysynda QR Elbasy Nrsultan Nazarbaevtyń Qazaqstan halqyna arnaǵan Joldaýynda qoiylǵan halyq tutynatyn taýarlardyń otandyq óndirisin arttyrý boiynsha mindetterin oryndaý jáne Memleket basshysy Qasym-Jomart Toqaevtyń el óńirlerinde jumys saparlary kezinde ekonomikany ártaraptandyrý boiynsha berilgen tapsyrmalaryn iske asyrý aiasynda «qarapaiym zattar ekonomikasyn» damytý máseleleri qaraldy, dep habarlaidy "Ult aqparat" primeminister.kz saityna silteme jasap.
Jeńildikpen nesielendirýdi júzege asyrý baǵdarlamasyn iske asyrý boiynsha Jobalyq keńse jumysy, «qarapaiym zattar ekonomikasy» taýarlaryn satyp alýda jergilikti qamtý úlesin arttyrý boiynsha sharalar týraly QR Premer-Ministriniń Orynbasary J. Qasymbek, «Atameken» QR UKP tóraǵasy A. Myrzahmetov baiandady. Nur-Sultan qalasynyń ákimi A. Kólginov pen Atyraý oblysynyń ákimi N. Noǵaev tyńdaldy.
«Qarapaiym zattar ekonomikasyn» damytý arqyly jańa jumys oryndaryn quryp, shaǵyn jáne orta biznesti damytý, halyqty jumyspen qamtamasyz etý máselelerin sheshemiz. Munyń bári jalpy memleketimizdiń ekonomikasyna oń áserin tigizedi», - dedi Asqar Mamin.
Jobalyq keńse jumysynda «qarapaiym zattar ekonomikasynyń» 1 trln teńgeden astam somaǵa 1500-den astam jobasy bar.
«Qarapaiym zattar ekonomikasy» jobalary boiynsha biznestiń joǵary belsendiligi Aqmola, Mańǵystaý, Pavlodar, Qyzylorda oblystarynda baiqalyp otyr. Óz kezeginde, Atyraý, Qostanai, Batys Qazaqstan oblystary, Nur-Sultan qalasynyń ákimderine halyq tutynatyn taýarlar óndirisin ulǵaitý boiynsha jumystardy kúsheitý, onyń ishinde shyǵarylatyn ónim kólemi men qunyna basa nazar aýdarý tapsyryldy.
QR Úkimetiniń basshysy biznes-qoǵamdastyq pen memlekettik organdardyń usynystaryn eskere otyryp, «qarapaiym zattar ekonomikasy» jobalaryn damytý úshin jeńildikti qarjylandyrý sharttary ózgertilgenin aitty. Atap aitqanda, paiyzdyq mólsherlemesi 6%-ǵa deiin tómendetildi, qaryzdy tóleýdiń jeńildikti kezeńi engizildi, shyǵarylatyn ónimniń 45 jańa túri qosyldy. Qabyldanǵan sharalar birshama kompaniialarǵa jeńildikti qarjylandyrý múmkindigin beredi.
Osy jumystardy odan ári belsendirý maqsatynda QR Premer-Ministri Asqar Mamin aýyl sharýashylyǵy ónerkásibi kesheniniń jobalarynyń ainalym qarajatyn tolyqtyrý úshin sýbsidiialardy ulǵaitýǵa qarajat bólý máselesin qarastyrýdy tapsyrdy.
Budan basqa, ortalyq jáne jergilikti atqarýshy organdar, basqarýshy holdingterge «qarapaiym zattar ekonomikasynyń» satyp alynatyn otandyq taýarlary men qyzmetterinde jergilikti qamtý úlesin ulǵaitý boiynsha KRI-ǵa qol jetkizýdi qamtamasyz etý tapsyryldy.
«Qarapaiym zattar ekonomikasyn» damytý baǵdarlamasy - kásipkerlikti damytýdyń jáne jumyspen qamtamasyz etýdiń mańyzdy quraly. Jobalardyń bári óńirlerde iske asyrylady. Ákimder baǵdarlamany iske asyrýǵa belsene atsalysyp, jańa jobalardy usynýy, tiisti túsindirý jumystaryn júrgizýi kerek», - dep atap ótti Asqar Mamin.
