QR Premer-Ministri Asqar Mamin Indýstriialyq-innovatsiialyq damý memlekettik baǵdarlamasynyń, Jumyspen qamtýdyń jol kartasynyń iske asyrylýyn, sondai-aq Qaraǵandy oblysynyń áleýmettik-ekonomikalyq jáne infraqurylymdyq damýyn baqylaý aiasynda óńirge jumys saparymen bardy, dep habarlaidy QR Úkimetiniń baspasóz qyzmeti.
Úkimet basshysy «Saryarqa» AEA-ǵa baryp, onda «Steel Manufacturing» JShS patron zaýytynyń birinshi kezegin iske qosty.
Sonymen qatar A. Mamin «Seven Refractories Asia» JShS otqa tózimdi materialdar shyǵaratyn zaýytynyń qyzmetimen tanysty. Jobaǵa salynǵan investitsiia kólemi 1,7 mlrd teńgeni qurady, 70 jumys orny ashyldy. Zaýyt qyzmetkerleri Eýropada oqýdan ótken. Óndiristik qýattylyǵy — jylyna 38 myń tonna ónim, negizgi kólemi Resei men Qyrǵyzstanǵa eksporttalady, sondai-aq «Arselor Mittal Temirtaý» AQ kásiporyndaryna jetkiziledi.
Premer-Ministr jyl saiyn jalpy kólemi 120 myń tonna bolat jáne shoiyn ónimderiniń 900-den astam ónim túrin shyǵaratyn «Qaz Carbon» JShS quiý zaýyttarynyń birlestigine bardy. Zaýytta 1200-den astam adam jumys isteidi.
A. Mamin jańa ferroqorytpa zaýyty men kómir baiytý fabrikasynyń qurylysymen tanysty. Investitsiianyń jalpy kólemi 36,2 mlrd teńgeni quraidy, jobalardy iske asyrý qurylys kezeńinde 1 700-den astam, al ony paidalaný kezeńinde 510 jańa jumys ornyn qurýǵa múmkindik beredi. Jańa óndirister jyl saiyn 57 myń tonna ferroqorytpa, 240 myń tonna aglomerat jáne 1,7 mln tonna kúli az, baiytylǵan kómir shyǵarýǵa jol ashady. Eki joba qorshaǵan ortany qorǵaýdyń zamanaýi talaptaryna sáikes keledi.
Úkimet basshysy Qaraǵandy qalasynyń avtojol, turǵyn úi jáne áleýmettik infraqurylymyn jóndeý jáne salý jobalarynyń, onyń ishinde Jumyspen qamtýdyń jol kartasy aiasynda iske asyrylýyn tekserdi.
A. Mamin «Global City» kóterme-taratý ortalyǵynda (KTO) bolyp qaitty, ony biyl jazda paidalanýǵa berý kózdelgen. Aýdany 60 ga KTO (2023 jylǵa qarai 100 ga deiin keńeitiledi) qurylys jumystary men ony paidalanýdyń barlyq kezeńderinde 5 myń jańa jumys ornyn qurýǵa múmkindik beredi jáne «Soltústik ‒ Ońtústik» jelisi boiynsha aýyl sharýashylyǵy ónimderiniń aǵynyn qamtamasyz ete otyryp, QR ulttyq taýar ótkizý júiesindegi eń iri nysanǵa ainalady.
Qaraǵandy oblysynyń Saran qalasynda «Yutong» markaly avtobýstar men arnaiy mamandandyrylǵan tehnika shyǵaratyn zaýyt salynady. QR Premer-Ministri A. Maminniń óńirge sapary aiasynda tiisti memorandýmǵa qol qoiyldy. Investitsiia kólemi shamamen 23 mlrd teńgeni quraidy, 1 100 jańa jumys orny ashylady, jyldyq jobalyq qýattylyǵy — 1 200 avtobýs jáne 500 dana arnaiy tehnika. Bul QR ishki naryǵyn qamtamasyz etip qana qoimai, sonymen qatar ónimderdi EAEO elderine eksporttaýǵa múmkindik beredi.
