QR Premer-Ministri Asqar Mamin IT salasynda 100 myńnan astam jańa jumys ornyn qurý týraly aitty, dep habarlaidy "Ult aqparat".
«Tsifrlyq indýstriiadaǵy biznesti qoldaý sharalarynyń arqasynda biz bir myńnan astam innovatsiialyq kompaniia qurýdy josparlap otyrmyz. Jalpy, IT-indýstriiasynda 100 myńnan astam jańa jumys ornyn qurý kózdelgen. Bul ekonomikanyń barlyq salasyna mýltiplikativti áser beredi», - dedi Asqar Mamin «Digital Almaty 2021- Jahandyq ekonomikanyń tsifrlyq bolashaǵy» atty halyqaralyq forýmynda.
Sonymen qatar, ol aldaǵy bes jyl ishinde barlyq oblys ortalyqtary men respýblikalyq mańyzy bar qalalar 5G jelisimen qamtamasyz etiletindigin atap ótti.
«Búgingi tańda tsifrlandyrýdy damytý máseleleri burynǵydan da ózekti. Bizdiń aldaǵy onjyldyqtaǵy básekege qabilettiligimiz ulttyq ekonomika deńgeiinde de, EAEO keńistigi deńgeiinde de tehnologiialyq jumysymyzǵa bailanysty bolady. Odaq organdaryna tóraǵalyq etý sheńberinde Qazaqstan EAEO biryńǵai naryǵyn tsifrlandyrý áleýetin tolyq iske asyrýǵa kúshin salady. Biz Odaqtyń kún tártibinde turǵan tsifrlyq damýǵa qatysty bastamalardy ázirleý men iske asyrýǵa birlesip kúsh salamyz», - dedi Asqar Mamin.
