QR Premer-Ministri Asqar Mamin jumys saparymen Shyǵys Qazaqstan, Almaty jáne Qaraǵandy oblystaryna bardy, onda Memleket basshysy Qasym-Jomart Toqaevtyń el óńirlerine jumys saparlary aiasynda bergen tapsyrmalaryn iske asyrý barysyn tekserdi. QR Tuńǵysh Prezidenti ‒ Elbasy Nursultan Nazarbaev elimizdiń turaqty kólik infraqurylymyn damytý maqsatynda bastamashy bolǵan «Nurly jol» memlekettik baǵdarlamasyn oryndaýǵa basa kóńil bólindi.
Shyǵys Qazaqstan oblysynyń Aiagóz aýdanynda Premer-Ministr indýstrialdy-innovatsiialyq damý memlekettik baǵdarlamasy aiasynda álemdegi eń iri igerilmegen mys ken oryndarynyń biri ‒ Aqtoǵai kenishin igerip jatqan «KAZ Minerals Aktogay» kásipornynyń jumysymen tanysty. Ken ornynyń mineraldy resýrstary 1,7 mlrd tonnany quraidy. Kendegi mystyń jalpy mólsheri 5,8 mln tonnany quraidy. Aqtoǵai TKBK qýattylyǵy jylyna 25 mln tonna óńdelgen kendi quraidy, 2021 jyldan bastap bul kórsetkishti eki esege arttyrý kózdelgen.
Shyǵys Qazaqstan oblysynda Asqar Mamin «Óskemen ‒ Taldyqorǵan» avtojolyn salý jobasynyń iske asyrylý barysymen tanysty. Biyl 198 shaqyrym jolda kólik qozǵalysyn ashýdy qamtamasyz etý josparlanǵan. Jalpy, uzyndyǵy 763 shaqyrym bolatyn jolda qozǵalys 2020 jyly ashylady. Sonymen qatar, «Qalbataý ‒ Maiqapshaǵai» trassasyn rekonstrýktsiialaý jumystary júrgizilip jatyr, onda jyl sońyna qarai 45 shaqyrym avtojol paidalanýǵa beriledi.
Óskemen qalasynda A. Mamin Shyǵys Qazaqstan oblystyq mamandandyrylǵan meditsinalyq ortalyǵy janyndaǵy Onkologiia jáne hirýrgiia ortalyǵynyń, Robottandyrylǵan hirýrgiia, angiohirýrgiia jáne transplantologiia ortalyǵynyń qyzmetimen, ShQO ákimi Vedomstvoaralyq sitýatsiialyq jáne investitsiialyq ortalyǵynyń qyzmetimen tanysty. Premer-Ministr óńirdiń investitsiialyq áleýeti, ónerkásip salasyndaǵy tsifrlandyrýdy damytý, sondai-aq mektep oqýshylary men stýdentteriniń Startup jobalaryn iske asyrý boiynsha prezentatsiialardy ótkizýge arnalǵan shoýrýmdy qarap shyqty. Sondai-aq, munda «Jastar Time» innovatsiialyq ortalyǵy ornalasqan, onda 5-11 synyp oqýshylary AT baǵyttary boiynsha oqytylady, atap aitsaq: 2D/3D grafikasy, baǵdarlamalaý, video jasaý jáne t.b.
Almaty oblysynda Úkimet basshysyna uzyndyǵy 314 shaqyrym bolatyn «Óskemen ‒ Taldyqorǵan» avtojolynyń shyǵys bóligin rekonstrýktsiialaý, uzyndyǵy 184 shaqyrym bolatyn «Úsharal ‒ Dostyq» avtojolynyń qurylysy jobasy týraly baiandaldy.
Qaraǵandy oblysynda «Qaraǵandy ‒ Balqash» avtojolynyń ýchaskesindegi jumystar tekserildi. Osy joba boiynsha biyl 40 shaqyrym jolda qozǵalys ashylady, 2020 jyldyń qorytyndysy boiynsha joldyń barlyq uzyndyǵy boiynsha qozǵalys ashylady dep josparlanýda. «Qaraǵandy ‒ Temirtaý» jáne «Qaraǵandy ainalma joly» jobalary boiynsha jumystar jyl sońyna deiin aiaqtalyp, 61 shaqyrym jol paidalanýǵa beriledi.
Premer-Ministr Shyǵys Qazaqstan, Almaty jáne Qaraǵandy oblystarynyń joldaryndaǵy qurylys jumystarynyń qarqynyn arttyrýdy tapsyrdy. Sonymen birge, Úkimet basshysy qurylyp jatqan kólik infraqurylymynyń sapasyn qamtamasyz etýdiń mańyzdylyǵyn atap ótti.
«Kelesi jyly biz “Taldyqorǵan – Óskemen” jáne “Qaraǵandy – Almaty” joldarynyń boiynda tolyq jol júrýdi qamtamasyz etýimiz kerek», — dedi A. Mamin.
Tekserilgen infraqurylymdyq jobalardy iske asyrý Qazaqstan ekonomikasyn damytýǵa qosymsha múmkindikter týǵyzady.
