QR Premer-Ministri Asqar Mamin Exxon Mobil kompaniiasynyń aǵa vitse-prezidenti Nil Chapmanmen kezdesý ótkizdi, dep habarlaidy primeminister.kz.
Taraptar kómirsýtegi shikizatyn barlaý, óndirý jáne tasymaldaý salalaryndaǵy birlesken investitsiialyq jobalardy – TShO-nyń bolashaq keńeitý jobasy men Saǵalyq qysymdy basqarý jobasyn iske asyrý, Soltústik Kaspii jobasyn damytý jáne «Kaspii Qubyr Konsortsiýmy» munai qubyryn jańǵyrtý máselelerin talqylady.
Qashaǵan ken ornyn odan ári igerý keleshegine erekshe nazar aýdaryldy.
2020 jyly munda 15,1 mln tonna munai óndirildi, bul 2019 jylǵy kórsetkishten 7,1%-ǵa artyq. 2021 jyly 15,15 mln tonna munai óndirý josparlanǵan.
Munai-gaz himiiasy salasyndaǵy — polietilen jáne joǵary qaita óńdelgen basqa da ónimder óndirý salasyndaǵy birlesken jobalardy damytý perspektivalary talqylandy.
Úkimet basshysy Qazaqstanda munai-gaz himiiasy óndiristeriniń jobalaryn iske asyrý kezinde Exxon Mobil tájiribesin zerdeleý úshin jumys tobyn qurýdy tapsyrdy.
A. Mamin QR aýmaǵynda «Exxon Mobil» biregei jabdyǵynyń óndirisin jergiliktendirýdiń, kompaniianyń satyp alýlaryndaǵy qazaqstandyq qamtý úlesin arttyrýdyń, zamanaýi ekologiialyq taza tehnologiialardy qoldanýdyń, densaýlyq saqtaý jáne eńbek qaýipsizdigi salasynda joǵary standarttardy saqtaýdyń, sondai-aq Qazaqstanda áleýmettik jobalardy iske asyrýdyń mańyzdylyǵyn atap ótti.
Exxon Mobil – QR iri investorlarynyń biri. 1993 jyldan bastap kompaniia Qazaqstan ekonomikasyna $26 mlrd astam investitsiia saldy.
Kezdesýge energetika ministri Nurlan Noǵaev pen «QazMunaiGaz» UK» AQ basqarma tóraǵasy Alik Aidarbaev qatysty.
