قر پرەمەر-مينيسترٸ اسقار مامين Exxon Mobil كومپانيياسىنىڭ اعا ۆيتسە-پرەزيدەنتٸ نيل چاپمانمەن كەزدەسۋ ٶتكٸزدٸ, دەپ حابارلايدى primeminister.kz.
تاراپتار كٶمٸرسۋتەگٸ شيكٸزاتىن بارلاۋ, ٶندٸرۋ جەنە تاسىمالداۋ سالالارىنداعى بٸرلەسكەن ينۆەستيتسييالىق جوبالاردى – تشو-نىڭ بولاشاق كەڭەيتۋ جوباسى مەن ساعالىق قىسىمدى باسقارۋ جوباسىن ٸسكە اسىرۋ, سولتٷستٸك كاسپيي جوباسىن دامىتۋ جەنە «كاسپيي قۇبىر كونسورتسيۋمى» مۇناي قۇبىرىن جاڭعىرتۋ مەسەلەلەرٸن تالقىلادى.
قاشاعان كەن ورنىن ودان ەرٸ يگەرۋ كەلەشەگٸنە ەرەكشە نازار اۋدارىلدى.
2020 جىلى مۇندا 15,1 ملن توننا مۇناي ٶندٸرٸلدٸ, بۇل 2019 جىلعى كٶرسەتكٸشتەن 7,1%-عا ارتىق. 2021 جىلى 15,15 ملن توننا مۇناي ٶندٸرۋ جوسپارلانعان.
مۇناي-گاز حيميياسى سالاسىنداعى — پوليەتيلەن جەنە جوعارى قايتا ٶڭدەلگەن باسقا دا ٶنٸمدەر ٶندٸرۋ سالاسىنداعى بٸرلەسكەن جوبالاردى دامىتۋ پەرسپەكتيۆالارى تالقىلاندى.
ٷكٸمەت باسشىسى قازاقستاندا مۇناي-گاز حيميياسى ٶندٸرٸستەرٸنٸڭ جوبالارىن ٸسكە اسىرۋ كەزٸندە Exxon Mobil تەجٸريبەسٸن زەردەلەۋ ٷشٸن جۇمىس توبىن قۇرۋدى تاپسىردى.
ا. مامين قر اۋماعىندا «Exxon Mobil» بٸرەگەي جابدىعىنىڭ ٶندٸرٸسٸن جەرگٸلٸكتەندٸرۋدٸڭ, كومپانييانىڭ ساتىپ الۋلارىنداعى قازاقستاندىق قامتۋ ٷلەسٸن ارتتىرۋدىڭ, زاماناۋي ەكولوگييالىق تازا تەحنولوگييالاردى قولدانۋدىڭ, دەنساۋلىق ساقتاۋ جەنە ەڭبەك قاۋٸپسٸزدٸگٸ سالاسىندا جوعارى ستاندارتتاردى ساقتاۋدىڭ, سونداي-اق قازاقستاندا ەلەۋمەتتٸك جوبالاردى ٸسكە اسىرۋدىڭ ماڭىزدىلىعىن اتاپ ٶتتٸ.
Exxon Mobil – قر ٸرٸ ينۆەستورلارىنىڭ بٸرٸ. 1993 جىلدان باستاپ كومپانييا قازاقستان ەكونوميكاسىنا $26 ملرد استام ينۆەستيتسييا سالدى.
كەزدەسۋگە ەنەرگەتيكا مينيسترٸ نۇرلان نوعاەۆ پەن «قازمۇنايگاز» ۇك» اق باسقارما تٶراعاسى اليك ايدارباەۆ قاتىستى.
