QR Premer-Ministri Asqar Mamin beinekonferentsiia bailanysy rejiminde Eýraziialyq úkimetaralyq keńestiń (EÚAK) kezekten tys otyrysyna qatysty, dep habarlaidy "Ult aqparat" primeminister.kz silteme jasap.
Otyrysqa qatysýshylar Eýraziialyq ekonomikalyq integratsiiany damytýdyń 2025 jylǵa deiingi strategiialyq baǵyttarynyń jobasyna daiyndyq barysyn, onyń ishinde EAEO ortaq naryǵynda gazdy tasymaldaý qyzmetiniń baǵasyn (tarifin) belgileý tásilderin, halyqaralyq avtokólik tasymaldaryn kezeń-kezeńimen yryqtandyrý, EAEO-ǵa múshe memleketterdiń ekonomikalyq damýyna nysanaly yqpal etýdiń ikemdi tetikterin ázirleý, sondai-aq densaýlyq saqtaý salasyndaǵy yntymaqtastyqty keńeitý máselelerin qarady.
Sonymen qatar otyrysqa Resei Federatsiiasynyń Premer-Ministri Mihail Mishýstin, Belarýs Premer-Ministri Sergei Rýmas, Qyrǵyzstan Premer-Ministri Mýhammedkalyi Abylgaziev, Armeniia Respýblikasynyń Premer-Ministri Nikol Pashinian jáne Eýraziialyq ekonomikalyq komissiia Alqasynyń tóraǵasy Mihail Miasnikovich qatysty.
