QR Premer-Ministri Asqar Mamin Eýraziialyq damý bankiniń (EADB) basqarma tóraǵasy Nikolai Podgýzovty qabyldady, dep habarlaidy "Ult aqparat" primeminister.kz-ke silteme jasap.
Kezdesý barysynda 2020 jylǵy EADB jumysynyń aldyn-ala qorytyndysy jáne Banktiń budan arǵy jumysynyń perspektivalary, onyń ishinde Qazaqstanda investitsiialyq jobalardy iske asyrý keleshegi talqylandy.
«2020 jyldyń 9 aiynda EADB Qazaqstanda $314 mln somasyna jobalardy qarjylandyrýǵa qatysty, jyl sońyna qarai bul kórsetkishti $335 mln deiin jetkizý josparlanǵan. Qazaqstanda EADB investitsiiasyn tartýmen iske asyrylǵan iri jobalardyń biri Túrkistan qalasynda jańa halyqaralyq áýejaidyń salynýy jáne «Úlken Almaty ainalma avtomobil jolyn» salý jáne paidalaný jobasy» boldy.
Qazaqstanda Bank portfelindegi jobalardyń jalpy kólemi 2020 jyldyń qorytyndysy boiynsha $1,5 mlrd deńgeiinde boljanýda. Investitsiialyq portfeldiń salalyq qurylymynda eń kóp úlesti energetika (20%), kólik (20%), taý-ken óndirisi ónerkásibi (23%), mashina jasaý (5%), qarjy sektory (5%) jobalary alady.
Qazaqstan Úkimetiniń basshysy EADB-nyń AÓK, ónerkásip, kólik, energetika jáne QR ekonomikasynyń basqa da salalarynyń perspektivalyq jobalaryna qatysýynyń mańyzdylyǵyn atap ótti. Sonymen qatar iri infraqurylymdyq jobalardy qarjylandyrýǵa kúsh salý jáne joba aldyndaǵy qyzmetke basa nazar aýdarý qajet ekenin atap ótti.
Kezdesý barysynda 2020 jylǵy maýsymda qurylǵan EADB Tsifrlyq bastamalar qorynyń jumys isteý máseleleri, sondai-aq Banktiń «Qazaqstan – Resei» shekara mańy yntymaqtastyǵy baǵdarlamasyn iske asyrýǵa qatysý perspektivalary qaraldy.
Biyl jeltoqsan aiynda ótetin Birinshi Eýraziialyq kongreske daiyndyq barysy talqylandy, onyń basty oqiǵasy EAEO elderiniń úkimetter basshylarynyń «Ekonomikalyq pragmatizm jáne ózara tiimdilik eýraziialyq ekonomikalyq integratsiianyń negizi retinde» plenarlyq sessiiasy bolmaq.
Kezdesýge QR Premer-Ministriniń Birinshi orynbasary Á. Smaiylov qatysty.
