Qazaqstan Respýblikasynyń Premer-Ministri A. Mamin Erevan qalasynda ótip jatqan Eýraziialyq úkimetaralyq keńes otyrysyna qatysty, dep habarlaidy "Ult aqparat" primeminister.kz saityna silteme jasap.
Sonymen qatar, otyrysqa Resei Federatsiiasynyń Premer-Ministri D. Medvedev, Belarýs Premer-Ministri S. Rýmas, Armeniia Premer-Ministri N. Pashinian, Qyrǵyzstan Premer-Ministri M. Abylgaziev jáne Eýraziialyq ekonomikalyq komissiia alqasynyń tóraǵasy T. Sarkisian qatysty.
Úkimetaralyq keńes otyrysynyń kún tártibinde Odaqqa múshe memleketter arasyndaǵy saýda-ekonomikalyq yntymaqtastyq jáne ózara saýda-sattyqty keńeitý, sondai-aq EAEO ishki naryǵy aiasyndaǵy kedergilerdi joiýǵa qatysty 13 másele qaraldy.
Shaǵyn quramda úkimet basshylary Odaqty damytýdyń birqatar tujyrymdamalyq máseleleri jóninde pikir almasty. EAEO tsifrlyq transformatsiialaý aiasynda transshekaralyq ózara is-qimyldy tereńdetý, qatysýshy elder arasyndaǵy taýar ainalymynyń kólemin ulǵaitý salasyndaǵy yntymaqtastyq, kedendik ákimshilendirýdi jetildirý tetikteri talqylandy.
Keńeitilgen kelissózder «biryńǵai tereze» qaǵidaty boiynsha syrtqy ekonomikalyq qyzmetti retteýdi jetildirý máselelerine, EAEO saýdasynyń tsifrlyq ekojúiesin damytýǵa jaǵdai jasaý, ónerkásiptik kooperatsiiany jáne tehnologiialar transferin damytý, ekonomikanyń jekelegen salalarynda integratsiialyq áleýetti odan ári ulǵaitý máselelerine arnaldy.
Taraptar 2018 jyldyń qorytyndysy boiynsha EAEO mańyzdy áleýmettik-ekonomikalyq kórsetkishteriniń oń qarqynyn atap ótti. Odaq elderiniń JIÓ ósimi 2,5%, ónerkásiptik óndiris ósimi 3,1% qurady. EAEO-da ótken jyly ózara saýda kólemi 9,2% ósti, syrtqy saýdada da osyndai úrdis baiqalady, onda jyl qorytyndysy boiynsha ósim 18,8% qurady.
Qazaqstan Premer-Ministri A. Mamin óz sózinde álemdik ekonomikanyń qubylyp turǵan shaǵynda damýdyń oń qarqynyn saqtaý úshin barlyq kúsh-jiger salý qajettigin atap ótti. Búginde Odaqqa qatysýshy barlyq eldermen ózara saýdadaǵy kedergilerdi joiý úshin belsendi birlesken jumystar júrgizilip jatyr. Tájiribe kórsetkendei, jańa kedergiler baiqalýda, bul óz kezeginde budan da tyǵyz ekonomikalyq qatynastardy damytýdyń indikatory bolyp tabylady.
«Bizge qarqynymyzdy tómendetpeý kerek», — dedi Asqar Mamin. — Qazirgi kedergilerdi joiý ózara saýda kólemin ulǵaityp, elder arasyndaǵy ekonomikalyq bailanystardy keńeitýge múmkindik beredi».
Qazaqstandyq tarap EAEO aiasynda sáikestendirý quraldary arqyly taýarlardy tańbalaý boiynsha integratsiialyq yntymaqtastyq máselelerin retteýdi jetildirý qajettigine, tranzittik tasymaldardy qadaǵalaý júiesin engizýge, kedendik ákimshilendirýdi kúsheitýge, tsifrlyq saýdany damytýǵa, Odaqtyń derekter tranziti salasyndaǵy tranzittik áleýetin arttyrýǵa nazar aýdardy.
«Ózara paida, ymyraǵa kelý jáne barlyq taraptardyń múddelerin eskeretin tiimdi sheshimder shyǵarý qaǵidattarynyń negizinde ózara qarym-qatynastarymyzdy qalyptastyrý EAEO odan ári nyǵaitýǵa belsene yqpalyn tigizetin bolady», — dedi Asqar Mamin. — 2025 jylǵa deiin eýraziialyq ekonomikalyq integratsiiany damytýda biz úshin basty shart — ekonomikalyq quraýyshynyń bolýy».
Otyrys qorytyndysy boiynsha «Eýraziialyq ónerkásip kooperatsiia, sýbkontraktatsiia jáne tehnologiialar transferi jelisi» jobasyn iske asyrý týraly, Odaqtyń ishki naryǵynyń jumysy aiasynda kedergilerdi joiý boiynsha jumystar barysy týraly, EAEO-ta tsifrlyq saýda ekojúiesin damytý úshin jaǵdailar jasaý týraly, syrtqy ekonomikalyq qyzmetti retteý júiesinde «biryńǵai tereze» ulttyq tetiginiń etalondyq úlgisin sipattaý týraly, taýarlardy ákelý men shyǵarýda shyqqan elin anyqtaýda biryńǵai tásilderdi bekitý týraly birqatar qujattarǵa qol qoiyldy.
Eýraziialyq úkimetaralyq keńestiń kelesi otyrysy biyl 9 tamyzda Sholpan ata qalasynda (Qyrǵyzstan Respýblikasy) ótedi.
