Asqar Mamin «Qazaqstandaǵy ǵarysh kúnderi: Baiqońyr – álemdik ǵaryshkerlik besigi» forýmyn ashty, dep habarlaidy "Ult aqparat" Premer-Ministrdiń baspasóz qyzmetine silteme jasap.
Úkimet basshysy «Roskosmos» korporatsiiasynyń basshysy D. Rogozinmen jáne «One Web» kompaniiasynyń qarjy direktory T. Ýeinmen kezdesýler ótkizdi, olarmen Qazaqstannyń ǵarysh salasyn damytý máseleleri talqylandy.
«Elbasy N. Nazarbaev pen Prezident Q. Toqaev «Baiqońyr» ǵarysh ailaǵynyń infraqurylymyn damytýǵa jáne ony aldyńǵy qatarly standarttarǵa sáikestendire otyryp, jańǵyrtýǵa erekshe kóńil bóledi», — dedi A. Mamin Forýmnyń ashylýynda.
Úkimet basshysy álemniń alǵashqy ǵarysh ailaǵy óziniń damýynyń jańa kezeńi qarsańynda ekenin, bul kúshterdi, ideialardy jáne seriktestik qoldaýdy shoǵyrlandyrýdy qajet etetinin atap ótti.
«Elordamyz Nur-Sultan qalasynda Qazaqstan men Frantsiia kásiporyndarynyń kooperatsiiasy aiasynda túrli maqsattaǵy spýtnikterdi qurastyrýǵa jáne synaqtan ótkizýge múmkindik beretin Ǵarysh apparattaryn qurastyrý-synaý keshenin qurý aiaqtalýǵa jaqyndap qaldy. Bul joba turaqty jáne uzaq merzimdi qazaqstandyq-frantsýz ónerkásiptik kooperatsiiasyna arnalǵan», — dedi A. Mamin.
Premer-Ministr qazaqstandyq kásiporyndar men vedomstvolardyń BAÁ, Túrkiia, AQSh, Iordaniia, Ońtústik Koreia, Ýkraina, Ulybritaniia, Japoniia, Qytai jáne basqa da kóptegen elderdiń ǵarysh salasyndaǵy uiymdarmen jumystary belsendi júrgizilip jatqanyn atap ótti. Jýyrda Jerdi distantsiialyq zondtaý derekterimen almasý, JDZ jerseriktik toptamalaryn birlesip óndirý jáne kommertsiialandyrý boiynsha yntymaqtastyqty damytý kózdelip otyr.
«Biz bailanys jerserigin óndirý boiynsha ónerkásiptik kooperatsiiaǵa, Baiqońyr ǵarysh ailaǵynda birlesken investitsiialyq kommertsiialyq jobalardy júzege asyrýǵa ashyqpyz», — dedi A. Mamin.
Úkimet basshysy Forým qatysýshylaryna Qazaqstannyń bailanys ǵarysh júielerin jáne JDZ qarjylandyrýdy $300 mln deiin jetkizý boiynsha josparlarymen bólisti, onyń ishinde jeke kapitaldy tartý kózdelgen. Jaqynda Baiqońyr ǵarysh ailaǵynda «Báiterek» ekologiialyq qaýipsiz ǵarysh zymyran keshenin qurý boiynsha aýqymdy jobany iske asyrý bastalady, bul keshen reseilik taraptyń bastamasymen «Nazarbaev starty» dep qaita ataldy.
«Baiqońyr ǵarysh ailaǵynda №1 «Gagarin starty» starttyq alańyn jańǵyrtý boiynsha jobany pysyqtaý júrgizilýde», — dedi A. Mamin.
«Qazaqstandaǵy ǵarysh kúnderi» halyqaralyq forýmy jyl saiyn 2013 jyldan beri ótkizilip keledi. Biylǵy is-sharaǵa álemniń 25-ten astam elinen 650 qatysýshy — QR Tsifrlyq damý, innovatsiialar jáne aeroǵarysh ónerkásibi ministrliginiń basshylary, QR Parlamentniń Májilis jáne Senat depýtattary, Qazaqstan Respýblikasynyń ǵaryshkerleri, sheteldik memleketterdiń elshilikteriniń ókilderi, «Roskosmos», «Airbus Defence and Space» korporatsiialarynyń ókilderi, otandyq jáne sheteldik uiymdar: «M. V. Hrýnichev atyndaǵy MǴǴÓO», «M.F. Reshetnev atyndaǵy AJJ» AQ, «Transtelekom», «One Web», «Thales Alenia Space», SES, «Leica Geosystems, Satrec Initiative», «Eutelsat» jáne basqalary qatysty.
