اسقار مامين «قازاقستانداعى عارىش كٷندەرٸ: بايقوڭىر – ەلەمدٸك عارىشكەرلٸك بەسٸگٸ» فورۋمىن اشتى, دەپ حابارلايدى "ۇلت اقپارات" پرەمەر-مينيستردٸڭ باسپاسٶز قىزمەتٸنە سٸلتەمە جاساپ.
ٷكٸمەت باسشىسى «روسكوسموس» كورپوراتسيياسىنىڭ باسشىسى د. روگوزينمەن جەنە «One Web» كومپانيياسىنىڭ قارجى ديرەكتورى ت. ۋەينمەن كەزدەسۋلەر ٶتكٸزدٸ, ولارمەن قازاقستاننىڭ عارىش سالاسىن دامىتۋ مەسەلەلەرٸ تالقىلاندى.
«ەلباسى ن. نازارباەۆ پەن پرەزيدەنت ق. توقاەۆ «بايقوڭىر» عارىش ايلاعىنىڭ ينفراقۇرىلىمىن دامىتۋعا جەنە ونى الدىڭعى قاتارلى ستاندارتتارعا سەيكەستەندٸرە وتىرىپ, جاڭعىرتۋعا ەرەكشە كٶڭٸل بٶلەدٸ», — دەدٸ ا. مامين فورۋمنىڭ اشىلۋىندا.
ٷكٸمەت باسشىسى ەلەمنٸڭ العاشقى عارىش ايلاعى ٶزٸنٸڭ دامۋىنىڭ جاڭا كەزەڭٸ قارساڭىندا ەكەنٸن, بۇل كٷشتەردٸ, يدەيالاردى جەنە سەرٸكتەستٸك قولداۋدى شوعىرلاندىرۋدى قاجەت ەتەتٸنٸن اتاپ ٶتتٸ.
«ەلوردامىز نۇر-سۇلتان قالاسىندا قازاقستان مەن فرانتسييا كەسٸپورىندارىنىڭ كووپەراتسيياسى اياسىندا تٷرلٸ ماقساتتاعى سپۋتنيكتەردٸ قۇراستىرۋعا جەنە سىناقتان ٶتكٸزۋگە مٷمكٸندٸك بەرەتٸن عارىش اپپاراتتارىن قۇراستىرۋ-سىناۋ كەشەنٸن قۇرۋ اياقتالۋعا جاقىنداپ قالدى. بۇل جوبا تۇراقتى جەنە ۇزاق مەرزٸمدٸ قازاقستاندىق-فرانتسۋز ٶنەركەسٸپتٸك كووپەراتسيياسىنا ارنالعان», — دەدٸ ا. مامين.
پرەمەر-مينيستر قازاقستاندىق كەسٸپورىندار مەن ۆەدومستۆولاردىڭ باە, تٷركييا, اقش, يوردانييا, وڭتٷستٸك كورەيا, ۋكراينا, ۇلىبريتانييا, جاپونييا, قىتاي جەنە باسقا دا كٶپتەگەن ەلدەردٸڭ عارىش سالاسىنداعى ۇيىمدارمەن جۇمىستارى بەلسەندٸ جٷرگٸزٸلٸپ جاتقانىن اتاپ ٶتتٸ. جۋىردا جەردٸ ديستانتسييالىق زوندتاۋ دەرەكتەرٸمەن الماسۋ, جدز جەرسەرٸكتٸك توپتامالارىن بٸرلەسٸپ ٶندٸرۋ جەنە كوممەرتسييالاندىرۋ بويىنشا ىنتىماقتاستىقتى دامىتۋ كٶزدەلٸپ وتىر.
«بٸز بايلانىس جەرسەرٸگٸن ٶندٸرۋ بويىنشا ٶنەركەسٸپتٸك كووپەراتسيياعا, بايقوڭىر عارىش ايلاعىندا بٸرلەسكەن ينۆەستيتسييالىق كوممەرتسييالىق جوبالاردى جٷزەگە اسىرۋعا اشىقپىز», — دەدٸ ا. مامين.
ٷكٸمەت باسشىسى فورۋم قاتىسۋشىلارىنا قازاقستاننىڭ بايلانىس عارىش جٷيەلەرٸن جەنە جدز قارجىلاندىرۋدى $300 ملن دەيٸن جەتكٸزۋ بويىنشا جوسپارلارىمەن بٶلٸستٸ, ونىڭ ٸشٸندە جەكە كاپيتالدى تارتۋ كٶزدەلگەن. جاقىندا بايقوڭىر عارىش ايلاعىندا «بەيتەرەك» ەكولوگييالىق قاۋٸپسٸز عارىش زىمىران كەشەنٸن قۇرۋ بويىنشا اۋقىمدى جوبانى ٸسكە اسىرۋ باستالادى, بۇل كەشەن رەسەيلٸك تاراپتىڭ باستاماسىمەن «نازارباەۆ ستارتى» دەپ قايتا اتالدى.
«بايقوڭىر عارىش ايلاعىندا №1 «گاگارين ستارتى» ستارتتىق الاڭىن جاڭعىرتۋ بويىنشا جوبانى پىسىقتاۋ جٷرگٸزٸلۋدە», — دەدٸ ا. مامين.
«قازاقستانداعى عارىش كٷندەرٸ» حالىقارالىق فورۋمى جىل سايىن 2013 جىلدان بەرٸ ٶتكٸزٸلٸپ كەلەدٸ. بيىلعى ٸس-شاراعا ەلەمنٸڭ 25-تەن استام ەلٸنەن 650 قاتىسۋشى — قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنٸڭ باسشىلارى, قر پارلامەنتنٸڭ مەجٸلٸس جەنە سەنات دەپۋتاتتارى, قازاقستان رەسپۋبليكاسىنىڭ عارىشكەرلەرٸ, شەتەلدٸك مەملەكەتتەردٸڭ ەلشٸلٸكتەرٸنٸڭ ٶكٸلدەرٸ, «روسكوسموس», «Airbus Defence and Space» كورپوراتسييالارىنىڭ ٶكٸلدەرٸ, وتاندىق جەنە شەتەلدٸك ۇيىمدار: «م. ۆ. حرۋنيچەۆ اتىنداعى مععٶو», «م.ف. رەشەتنەۆ اتىنداعى اجج» اق, «ترانستەلەكوم», «One Web», «Thales Alenia Space», SES, «Leica Geosystems, Satrec Initiative», «Eutelsat» جەنە باسقالارى قاتىستى.
