QR Premer-Ministri Asqar Mamin Elbasy Nursultan Nazarbaevqa jáne «Nur Otan» partiiasynyń parlament fraktsiiasynyń depýtattaryna atalǵan partiianyń «Qazaqstan-2021: Birlik. Turaqtylyq. Jasampazdyq» Sailaýaldy baǵdarlamasyn oryndaýdyń aralyq qorytyndylary týraly baiandady.
Bul týraly QR Úkimetiniń baspasóz qyzmeti habarlady.
«Nurly jol» baǵdarlamasyn iske asyrýdyń arqasynda Qazaqstan Eýropa men Aziia arasyndaǵy transqurlyqtyq kópirge ainaldy, kólik infraqurylymyn jappai jańǵyrtý júrgizilip jatyr.
«Temir joldardyń ońtaily jelisi tolyq qalyptastyryldy. Logistikalyq infraqurylym qurylyp jatyr. Kelesi jyly negizgi tranzittik avtomobil dálizderi boiynsha jol júrý qamtamasyz etiletin bolady», — dedi A. Mamin.
Qazirgi ýaqytta barlyq otandyq MÓZ-derdiń jańǵyrtylýy tolyq aiaqtaldy, qýattylyǵy jylyna 500 myń tonna bolatyn polipropilen óndiretin zaýyt qurylysy bastaldy. Qýattylyǵy 1 mln 250 myń tonna bolatyn polietilen óndirý jobasyn iske asyrý boiynsha daiyndyq jumystary júrgizilip jatyr.
2018 jyldyń qorytyndysy boiynsha óńdeý ónerkásibindegi eksport kólemi 2016 jylmen salystyrǵanda 21,7%-ǵa artyp, $15,7 mlrd qurady. Al kórsetiletin qyzmetter eksporty 15,8%-ǵa $7,3 mlrd-qa deiin artty. Jalpy, 2016 jyldan beri elimizdegi ónerkásip kólemi 15,7%-ǵa, óńdeý ónerkásibi – 16,3%-ǵa artty. Balamaly energetika belsendi damyp jatyr, 2016 jyldan beri JEK qýattylyǵy 3,7 esege artyp, a.j. sońyna 87 nysanda 1041 MVt quraityn bolady, al 2024 jylǵa qarai 3 myń MVt quraidy.
Internetke keńjolaqty qoljetimdilikti qamtamasyz etý boiynsha turǵyndarynyń sany 250-den asatyn 3324 aýyldyq eldi meken (79%) qosylǵan. Qalǵan aýyldarǵa internet 2020 jyldyń ishinde júrgiziletin bolady.
Memleket barlyq áleýmettik mindettemelerdi tolyq kólemde oryndaýda. Ataýly áleýmettik kómektiń jańa formaty ázirlenip jatyr. 2020 jyldan bastap mindetti áleýmettik meditsinalyq saqtandyrý engiziledi. 2016 jyldan qazirge deiin 390 orta bilim beretin mektep, 400-den asa meditsinalyq nysan salyndy, infarkt pen insýlt alǵanda kómek kórsetý ortalyqtary quryldy.
«Qazaqstandyqtardy sapaly ári qoljetimdi baspanamen qamtamasyz etý máselesine erekshe kóńil bólindi. 2016-2018 jyldary 34 mln kv m astam turǵyn úi salyndy. Jyl sońyna deiin 13 mln kv m paidalanýǵa berý kózdelgen. Jańa turǵyn úi baǵdarlamasy ázirlenip jatyr», — dedi A. Mamin.
Qazaqstan kópvektorly syrtqy saiasatty júrgizýdi jalǵastyrýda, negizgi seriktester — Resei, Qytai, AQSh, Eýropa Odaǵy, Ortalyq Aziia jáne TMD elderimen strategiialyq ózara is-qimyldy nyǵaitýda.
Premer-Ministr Úkimet pen «Nur Otan» fraktsiiasynyń ishki naryqty otandyq óndiristegi azyq-túlik ónimderimen molyqtyrý jónindegi kúsh-jigeri týraly aityp berdi — azyq-túlik ónimderiniń negizgi túrlerimen ortasha qamtamasyz etilý 80%-ǵa, keibir pozitsiialar boiynsha – 100% jetti.
Ekonomika salalaryn tsifrlandyrý aiasynda otyn-energetika jáne taý-ken metallýrgiiasy kesheni kásiporyndarynda jańa tehnologiialar engizilýde. Júrgizilgen jumystardyń nátijesinde, 2018 jyly innovatsiialyq ónim kólemi aldyńǵy jylmen salystyrǵanda 25%-ǵa ósip, 1 trln 179 mlrd teńgeni qurady.
Osy jyldyń 9 aiynyń qorytyndysy boiynsha ósim qarqyny 4,3% qurady, jyl basynda 2,9% boldy. Úkimet negizgi kapitalǵa salynatyn investitsiialar kórsetkishin 2025 jylǵa qarai JIÓ 30% deiin jetkizýdi kózdep otyr. Búgingi tańda 2020-2024 jyldary 41 trln tg investitsiia tartýǵa múmkindik beretin investitsiialyq jobalar pýly qalyptastyrylǵan. Atalǵan mindetti sheshý $34 mlrd deiin tikelei sheteldik investitsiialar aǵynyn qamtamasyz etedi, bul — 2024 jylǵa qarai ulttyq ekonomikanyń 5% ósimin qamtamasyz etýdiń negizgi sharty.
«Nur Otan» partiiasynyń sailaýaldy baǵdarlamasy men Ult josparyn tiimdi ári maqsatty iske asyrý bizdiń elimizdiń búgin jáne bolashaqta qarqyndy ári sapaly damýy úshin berik negiz qalaidy. Árbir is-shara qazirgi Qazaqstannyń damýy úshin asa mańyzdy máselelerdi sheshedi», — dedi A. Mamin.
.jpeg)