Ekonomikanyń oń ósimi - eldiń jeke sektory men óndiristik áleýetin qoldaý jónindegi is-sharalardy iske asyrý tiimdiliginiń mańyzdy indikatory. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Biylǵy jylǵy qańtar-sáýirdiń qorytyndysy boiynsha barlyq 7 negizgi makrokórsetkish boiynsha Mańǵystaý oblysy men Shymkentte ósý baiqalady. 6 kórsetkish boiynsha 5 óńirde ósý tirkeldi. Olar – Aqmola, Aqtóbe, Jambyl, Qaraǵandy jáne Qostanai oblystary. Bes óńirde 5 kórsetkish boiynsha oń serpin baiqalady. Olar – Shyǵys Qazaqstan, Pavlodar, Soltústik Qazaqstan oblystary men Nur-Sultan, Almaty qalalary», - dedi Asqar Mamin.
Úkimet basshysy Batys Qazaqstan oblysynda kórsetkishter tómen ekendigin basa aitty.
«Ekonomikanyń oń ósimi - pandemiiany tejeý, sondai-aq eldiń jeke sektory men óndiristik áleýetin qoldaý jónindegi is-sharalardy iske asyrý tiimdiliginiń mańyzdy indikatory bolyp sanalady. Ekonomikanyń osy qarqynyn aldaǵy ailarda saqtap, ony ulǵaitý mańyzdy», - dedi Premer-Ministr.
