QR Premer-Ministri Asqar Mamin Eýropa qaita qurý jáne damý bankiniń (EQQDB) prezidenti Sýma Chakrabartidi qabyldady, dep habarlaidy QR Úkimetiniń baspasóz qyzmeti.
«Ótken 27 jyl ishinde EQQDB Qazaqstanǵa salǵan investitsiialar kólemi qarjy, infraqurylym, energetika, aýyl sharýashylyǵy salalarynda, aqparattyq tehnologiialar men kommýnaldyq qyzmetter sektorlarynda, sondai-aq shaǵyn jáne orta biznesti qoldaý boiynsha 271 jobaǵa $9 mlrd-tan asty», — dedi A. Mamin.
2019 jyly QR ónerkásip, kólik, energetika, aýyl sharýashylyǵy, qarjy jáne basqa da salalarynda $750 mln astam somaǵa 29 jobany iske asyrý týraly kelisimge qol qoiyldy.
Taraptar Qazaqstandaǵy densaýlyq saqtaý infraqurylymyn jańǵyrtýdyń keshendi baǵdarlamasyn júzege asyrýǵa EQQDB-nyń aldaǵy qatysýyn talqylady. Atap aitqanda, EQQDB Qyzylorda, Qostanai, Taraz, Atyraý, Kókshetaý, Pavlodar, Almaty qalalarynda jańa kóp beiindi aýrýhanalardyń qurylysyn qarjylandyrýǵa qatysýdy josparlap otyr.
A. Mamin men S. Chakrabarti Qazaqstandaǵy memlekettik-jekeshelik áriptestik salasyndaǵy asa iri joba — Úlken Almaty ainalma avtomobil jolyn iske asyrý máselesin qarastyrdy.
Sonymen qatar turǵyn úi-kommýnaldyq sharýashylyǵy, kólik infraqurylymy, jańartylatyn energiia kózderi t. b. salalardaǵy memlekettik-jekeshelik áriptestik jobalaryna zor kóńil bólindi.
Kezdesýge Premer-Ministrdiń Birinshi orynbasary – qarjy ministri Á. Smaiylov, ulttyq ekonomika ministri R. Dálenov, densaýlyq saqtaý ministri E. Birtanov, «Astana» halyqaralyq qarjy ortalyǵynyń basqarýshysy Q. Kelimbetov, QR Qarjy naryǵyn retteý jáne damytý agenttiginiń tóraiymy M. Ábilqasymova jáne indýstriia jáne infraqurylymdyq damý ministriniń orynbasary B. Qamaliev qatysty.
