قر پرەمەر-مينيسترٸ اسقار مامين ەۋروپا قايتا قۇرۋ جەنە دامۋ بانكٸنٸڭ (ەققدب) پرەزيدەنتٸ سۋما چاكرابارتيدٸ قابىلدادى, دەپ حابارلايدى قر ٷكٸمەتٸنٸڭ باسپاسٶز قىزمەتٸ.
«ٶتكەن 27 جىل ٸشٸندە ەققدب قازاقستانعا سالعان ينۆەستيتسييالار كٶلەمٸ قارجى, ينفراقۇرىلىم, ەنەرگەتيكا, اۋىل شارۋاشىلىعى سالالارىندا, اقپاراتتىق تەحنولوگييالار مەن كوممۋنالدىق قىزمەتتەر سەكتورلارىندا, سونداي-اق شاعىن جەنە ورتا بيزنەستٸ قولداۋ بويىنشا 271 جوباعا $9 ملرد-تان استى», — دەدٸ ا. مامين.
2019 جىلى قر ٶنەركەسٸپ, كٶلٸك, ەنەرگەتيكا, اۋىل شارۋاشىلىعى, قارجى جەنە باسقا دا سالالارىندا $750 ملن استام سوماعا 29 جوبانى ٸسكە اسىرۋ تۋرالى كەلٸسٸمگە قول قويىلدى.
تاراپتار قازاقستانداعى دەنساۋلىق ساقتاۋ ينفراقۇرىلىمىن جاڭعىرتۋدىڭ كەشەندٸ باعدارلاماسىن جٷزەگە اسىرۋعا ەققدب-نىڭ الداعى قاتىسۋىن تالقىلادى. اتاپ ايتقاندا, ەققدب قىزىلوردا, قوستاناي, تاراز, اتىراۋ, كٶكشەتاۋ, پاۆلودار, الماتى قالالارىندا جاڭا كٶپ بەيٸندٸ اۋرۋحانالاردىڭ قۇرىلىسىن قارجىلاندىرۋعا قاتىسۋدى جوسپارلاپ وتىر.
ا. مامين مەن س. چاكرابارتي قازاقستانداعى مەملەكەتتٸك-جەكەشەلٸك ەرٸپتەستٸك سالاسىنداعى اسا ٸرٸ جوبا — ٷلكەن الماتى اينالما اۆتوموبيل جولىن ٸسكە اسىرۋ مەسەلەسٸن قاراستىردى.
سونىمەن قاتار تۇرعىن ٷي-كوممۋنالدىق شارۋاشىلىعى, كٶلٸك ينفراقۇرىلىمى, جاڭارتىلاتىن ەنەرگييا كٶزدەرٸ ت. ب. سالالارداعى مەملەكەتتٸك-جەكەشەلٸك ەرٸپتەستٸك جوبالارىنا زور كٶڭٸل بٶلٸندٸ.
كەزدەسۋگە پرەمەر-مينيستردٸڭ بٸرٸنشٸ ورىنباسارى – قارجى مينيسترٸ ە. سمايىلوۆ, ۇلتتىق ەكونوميكا مينيسترٸ ر. دەلەنوۆ, دەنساۋلىق ساقتاۋ مينيسترٸ ە. بٸرتانوۆ, «استانا» حالىقارالىق قارجى ورتالىعىنىڭ باسقارۋشىسى ق. كەلٸمبەتوۆ, قر قارجى نارىعىن رەتتەۋ جەنە دامىتۋ اگەنتتٸگٸنٸڭ تٶرايىمى م. ەبٸلقاسىموۆا جەنە يندۋسترييا جەنە ينفراقۇرىلىمدىق دامۋ مينيسترٸنٸڭ ورىنباسارى ب. قاماليەۆ قاتىستى.
