QR Premer-Ministri Asqar Mamin biylǵy aqpan aiynan bastap óz mindetin atqarýǵa kirisken Eýraziialyq ekonomikalyq komissiia (EEK) Alqasynyń tóraǵasy Mihail Miasnikovichti qabyldady, dep habarlaidy primeminister.kz.
«Ózińiz biletindei, eýraziialyq integratsiia ideiasyn Qazaqstannyń Tuńǵysh Prezidenti – Elbasy Nursultan Ábishuly Nazarbaev usynǵan bolatyn. Memleket basshysy Qasym-Jomart Kemeluly Toqaev Eýraziialyq ekonomikalyq odaqtyń odan ári damýyna basa kóńil bóledi», — dedi A. Mamin.
EAEO jumys istei bastaǵan kezeńnen beri Qazaqstannyń seriktes eldermen ózara saýdasy 23,3%-ǵa – $16,3 mlrd-tan $20,1 mlrd-qa deiin ósti. EAEO elderinen kelgen investitsiialar aǵymy $5,5 mlrd asty, birlesken kásiporyndar sany shamamen 12 myńǵa deiin, 2 esege ulǵaidy.
Sonymen qatar, Úkimet basshysy EAEO ishki naryǵynyń jumysy aiasynda tym kóp tosqaýyldardyń — 66 kederginiń bar ekenin atap ótti.
«Kedergilerdi joiý, klassikalyq «tórt erkindikti» (taýarlar, qyzmetter, kapital, jumys kúshi) qamtamasyz etý jáne ózara saýda kórsetkishterin arttyrý boiynsha júieli jumystar júrgizý qajet. Bul iskerlik ortalarǵa, jalpy, EAEO-ǵa qatysýshy elderdiń turǵyndaryna integratsiialyq jobadan naqty paidany sezinýge múmkindik beredi», — dedi A. Mamin.
Taraptar 2025 jylǵa deiingi eýraziialyq ekonomikalyq integratsiiany damytýdyń strategiialyq baǵyttary jobasynyń ázirlený barysyn, EAEO aiasynda tehnikalyq retteýdiń biryńǵai bazasyn jetildirýdi, sondai-aq EEK jumysynyń reglamentin saqtaý máselelerin talqylady.
Kezdesýge Premer-Ministrdiń birinshi orynbasary – qarjy ministri Á. Smaiylov, QR saýda jáne integratsiia ministri B. Sultanov jáne EEK Alqasynyń tóraǵasy hatshylyǵynyń basshysy V. Zinovskii qatysty.
