قر پرەمەر-مينيسترٸ اسقار مامين بيىلعى اقپان ايىنان باستاپ ٶز مٸندەتٸن اتقارۋعا كٸرٸسكەن ەۋرازييالىق ەكونوميكالىق كوميسسييا (ەەك) القاسىنىڭ تٶراعاسى ميحايل مياسنيكوۆيچتٸ قابىلدادى, دەپ حابارلايدى primeminister.kz.
«ٶزٸڭٸز بٸلەتٸندەي, ەۋرازييالىق ينتەگراتسييا يدەياسىن قازاقستاننىڭ تۇڭعىش پرەزيدەنتٸ – ەلباسى نۇرسۇلتان ەبٸشۇلى نازارباەۆ ۇسىنعان بولاتىن. مەملەكەت باسشىسى قاسىم-جومارت كەمەلۇلى توقاەۆ ەۋرازييالىق ەكونوميكالىق وداقتىڭ ودان ەرٸ دامۋىنا باسا كٶڭٸل بٶلەدٸ», — دەدٸ ا. مامين.
ەاەو جۇمىس ٸستەي باستاعان كەزەڭنەن بەرٸ قازاقستاننىڭ سەرٸكتەس ەلدەرمەن ٶزارا ساۋداسى 23,3%-عا – $16,3 ملرد-تان $20,1 ملرد-قا دەيٸن ٶستٸ. ەاەو ەلدەرٸنەن كەلگەن ينۆەستيتسييالار اعىمى $5,5 ملرد استى, بٸرلەسكەن كەسٸپورىندار سانى شامامەن 12 مىڭعا دەيٸن, 2 ەسەگە ۇلعايدى.
سونىمەن قاتار, ٷكٸمەت باسشىسى ەاەو ٸشكٸ نارىعىنىڭ جۇمىسى اياسىندا تىم كٶپ توسقاۋىلداردىڭ — 66 كەدەرگٸنٸڭ بار ەكەنٸن اتاپ ٶتتٸ.
«كەدەرگٸلەردٸ جويۋ, كلاسسيكالىق «تٶرت ەركٸندٸكتٸ» (تاۋارلار, قىزمەتتەر, كاپيتال, جۇمىس كٷشٸ) قامتاماسىز ەتۋ جەنە ٶزارا ساۋدا كٶرسەتكٸشتەرٸن ارتتىرۋ بويىنشا جٷيەلٸ جۇمىستار جٷرگٸزۋ قاجەت. بۇل ٸسكەرلٸك ورتالارعا, جالپى, ەاەو-عا قاتىسۋشى ەلدەردٸڭ تۇرعىندارىنا ينتەگراتسييالىق جوبادان ناقتى پايدانى سەزٸنۋگە مٷمكٸندٸك بەرەدٸ», — دەدٸ ا. مامين.
تاراپتار 2025 جىلعا دەيٸنگٸ ەۋرازييالىق ەكونوميكالىق ينتەگراتسييانى دامىتۋدىڭ ستراتەگييالىق باعىتتارى جوباسىنىڭ ەزٸرلەنۋ بارىسىن, ەاەو اياسىندا تەحنيكالىق رەتتەۋدٸڭ بٸرىڭعاي بازاسىن جەتٸلدٸرۋدٸ, سونداي-اق ەەك جۇمىسىنىڭ رەگلامەنتٸن ساقتاۋ مەسەلەلەرٸن تالقىلادى.
كەزدەسۋگە پرەمەر-مينيستردٸڭ بٸرٸنشٸ ورىنباسارى – قارجى مينيسترٸ ە. سمايىلوۆ, قر ساۋدا جەنە ينتەگراتسييا مينيسترٸ ب. سۇلتانوۆ جەنە ەەك القاسىنىڭ تٶراعاسى حاتشىلىعىنىڭ باسشىسى ۆ. زينوۆسكيي قاتىستى.
