QR Premer-Ministri Asqar Maminniń tóraǵalyǵymen QR aýmaǵynda koronavirýs infektsiiasynyń taralýyna jol bermeý jónindegi Vedomstvoaralyq komissiianyń (VAK) selektorlyq otyrysy ótti, dep habarlaidy primeminister.kz.
Koronavirýs infektsiiasynyń ekinshi tolqynyna daiyndyqty qamtamasyz etý boiynsha qabyldanyp jatqan sharalar týraly densaýlyq saqtaý ministri A. Tsoi, ishki ister ministri E. Turǵymbaev, aqparat jáne qoǵamdyq damý ministri A. Balaeva, indýstriia jáne infraqurylymdyq damý birinshi vitse-ministri Q. Óskenbaev, sondai-aq Pavlodar oblysynyń ákimi Á. Sqaqov, Qaraǵandy oblysynyń ákimi J. Qasymbek baiandady.
Úkimet basshysy shekteý sharalarynyń saqtalýyn baqylaýdy qamtamasyz etý jónindegi monitoringtik toptardyń jumys tiimdiliginiń tómendigin, azamattardyń karantin rejimin jáne biznes sýbektileriniń sanitarlyq talaptardy saqtaýdy qamtamasyz etý, bailanysta bolǵan adamdar men naýqastardy qadaǵalaý jónindegi jumystyń nasharlyǵyn atap ótti.
Premer-Ministr Indýstriia jáne infraqurylymdyq damý ministrligine áýe kompaniialaryna PTR-testiniń nátijesi týraly anyqtamasy joq jolaýshylardy ushaqqa otyrǵyzýǵa tyiym salýdy tapsyrdy.
Rentgen apparattaryn, jyljymaly meditsinalyq keshenderdi jetkizýdi jedeldetý tapsyryldy.
Densaýlyq saqtaý ministrligine ótkizý pýnktterinde sanitarlyq-epidemiologiialyq talaptardyń saqtalýyna qatań baqylaýdy qamtamasyz etý, bir apta merzim ishinde jeke qorǵanysh quraldarynyń baǵasyn tómendetý jóninde sharalar qabyldaý, Tsifrlyq damý, innovatsiialar jáne aeroǵarysh ónerkásibi ministrligimen birlesip, tsifrlyq tehnologiialardy paidalana otyryp, bailanysta bolǵan adamdardy, aýyrǵandardy qadaǵalaý, sýbektilerdiń sanitarlyq talaptardy saqtaýyna monitoring júrgizý boiynsha baǵdarlamalardy engizý jóninde qajetti sharalar qabyldaý tapsyryldy.
Óńirlerdiń ákimderine eki kún ishinde uiymdastyrylǵan ujymdardyń basshylyǵymen karantin rejimin saqtaý jóninde arnaiy keńes ótkizý, mektepter men meditsina uiymdarynda sanitarlyq rejimdi saqtaý jónindegi jumystyń uiymdastyrylýyn jeke baqylaýǵa alý tapsyryldy.
Úkimet basshysy óńirler ákimdikterine apta sońyna deiin «Atameken» UKP-men birlesip, sanitarlyq talaptardyń saqtalýy boiynsha saýda-oiyn saýyq ortalyqtarynyń jumysyna monitoring júrgizýdi tapsyrdy. Bul rette belgilengen talaptardy buzýshylarǵa qatysty olardyń jumysyn toqtata turýǵa deiingi qatań sharalar qoldanylatyn bolady.
Otyrysta jergilikti atqarýshy organdar óz jumysynda QR Bas sanitarlyq dárigeriniń qaýlylaryn basshylyqqa alatyny atap ótildi. Bul rette, sanitarlyq-epidemiologiialyq jaǵdaiǵa bailanysty óńirlerdiń bas sanitarlyq dárigerleri qosymsha shekteý sharalaryn engizý týraly sheshim qabyldai alady.
VAK birqatar sheshim qabyldady:
I. Mekteptegi oqytý boiynsha
- ekinshi toqsannan bastap oqýshylar sany 300 balaǵa deiin bolatyn qala jáne aýyl mektepteriniń jumysyn dástúrli formatqa kóshirý;
- ata-analardyń ótinishi boiynsha 1 synyptan 5 synypqa deiin, halyqaralyq mektepterde 7 synypqa deiin kezekshi synyptarda oqýǵa ruqsat etilsin.
Bul jaǵdaida sanitarlyq-dezinfektsiialyq rejimdi, maska rejimin, shahmat retimen otyrǵyzý jáne áleýmettik ara qashyqtyqty saqtaý mindetti.
II. Teatrlar men meshitterdiń jumysy boiynsha
A.j. 2 qarashasynan bastap ruqsat etilsin:
- 30%-ǵa deiin tolyǵýmen, biraq zalda 100 adamnan asyrmai, teatrlardyń jumys isteýine (áleýmettik ara qashyqtyqty, maska rejimin, termometriiany, qatań sanitarlyq-dezinfektsiialyq rejimdi saqtaýmen);
- juma namazyn qospaǵanda, meshitterde ujymdyq namaz (bes namaz) ótkizýge, biraq zalda 100 adamnan asyrmai (2 m áleýmettik ara qashyqtyqty, maska rejimin, termometriiany, qatań sanitarlyq-dezinfektsiialyq rejimdi saqtaýmen).
