QR Premer-Ministri Asqar Mamin «Shevron» (Chevron) kompaniiasynyń Eýraziia-Tynyq muhity óńirindegi barlaý jáne óndirý jónindegi prezidenti Naidjel Hirnmen munai óndirý salasyndaǵy ózara is-qimyl perspektivalaryn talqylady, dep habarlaidy "Ult aqparat" Úkimet basshysynyń resmi saityna silteme jasap.
«Shevron» — Teńiz (50%), Qarashyǵanaq (18%) jáne Kaspii qubyr konsortsiýmy (15%) – úsh iri jobada aktivteri bar Qazaqstandaǵy iri sheteldik investor. 2020 jyly TShO shiki munai óndirý kólemi 26,5 mln tonnany qurady. Memleketke tikelei qarjylyq tólemder $6,6 mlrd qurady, $3,5 mlrd astam somaǵa qazaqstandyq jetkizýshilerdiń taýarlary men qyzmetteri satyp alyndy. TShO gazy Atyraý oblysynda polipropilen (qýaty jylyna 500 myń tonna) jáne polietilen (jylyna 1,25 mln tonna) óndirisi boiynsha eki iri gaz-himiia jobasy úshin shikizat bolyp tabylady.
