Premer-Ministr Asqar Mamin biznesti salyqtyq yntalandyrý jónindegi zańnamalyq túzetýler paketin qabyldaýdy tapsyrdy, dep habarlaidy "Ult aqparat".
«Shaǵyn jáne orta biznes sýbektileriniń salyqtyq jáne kedendik bereshegin májbúrlep óndirip alý 2021 jylǵy 1 shildege deiin toqtatyp qoiyldy. Bul kásipkerlerge ainalym kapitalyn toltyrý úshin qosymsha 279 mlrd teńgeni jumsaýǵa múmkindik jasaidy. Ekinshi deńgeidegi bankterde kreditter boiynsha tólem merzimin aǵymdaǵy jylǵy 1 shildege deiin shegerý sharalary qabyldandy. Keiinge qaldyrylǵan tólemder kólemi 750 mlrd teńgeni quraityn bolady», - degen Úkimet basshysy Úkimetiń qazirgi mindetim biznestiń damýyna qoldaý kórsetý ekenin atady.
«Jalpy, osy qabyldanyp otyrǵan sharalar aǵymdaǵy jylǵy elimizdiń ekonomikasynyń ósý qurylymynda 0,8 paiyzdyq pýnktke deiin quraityn bolady. Osyǵan bailanysty mynadai tapsyrma beremin: Birinshi, Ulttyq ekonomika ministrligi memlekettik organdarmen birge Ekonomikalyq ósýdi qalpyna keltirý jónindegi jańartylǵan keshendi jospardyń ýaqtyly oryndalýyn qamtamasyz etsin», - dedi Asqar Mamin.
Ol úshin Úkimet turaqty túrde «Atameken» palatasymen jáne óńirlik Kásipkerler keńesterimen birge biznesti meilinshe tolǵandyratyn máselelerdi jedel qarap, olar boiynsha tiisti sheshimder qabyldaýy kerek.
«Ekinshi, biznesti salyqtyq yntalandyrý jónindegi zańnamalyq túzetýler paketin qabyldaý qamtamasyz etilsin jáne 2021 jylǵy 1 maýsymǵa deiin Parlamentte tiisti jumys júrgizsin. Úshinshi, memlekettik organdar, ákimdikter, «Damý» qory «Atameken» palatasymen birge qoldaýdyń barlyq túrin alýǵa biznesten túsetin ótinimderdiń asa qysqa merzimde qaralýyn qamtamasyz etsin», - dep túiindedi Premer-Ministr.
