پرەمەر-مينيستر اسقار مامين بيزنەستٸ سالىقتىق ىنتالاندىرۋ جٶنٸندەگٸ زاڭنامالىق تٷزەتۋلەر پاكەتٸن قابىلداۋدى تاپسىردى, دەپ حابارلايدى "ۇلت اقپارات".
«شاعىن جەنە ورتا بيزنەس سۋبەكتٸلەرٸنٸڭ سالىقتىق جەنە كەدەندٸك بەرەشەگٸن مەجبٷرلەپ ٶندٸرٸپ الۋ 2021 جىلعى 1 شٸلدەگە دەيٸن توقتاتىپ قويىلدى. بۇل كەسٸپكەرلەرگە اينالىم كاپيتالىن تولتىرۋ ٷشٸن قوسىمشا 279 ملرد تەڭگەنٸ جۇمساۋعا مٷمكٸندٸك جاسايدى. ەكٸنشٸ دەڭگەيدەگٸ بانكتەردە كرەديتتەر بويىنشا تٶلەم مەرزٸمٸن اعىمداعى جىلعى 1 شٸلدەگە دەيٸن شەگەرۋ شارالارى قابىلداندى. كەيٸنگە قالدىرىلعان تٶلەمدەر كٶلەمٸ 750 ملرد تەڭگەنٸ قۇرايتىن بولادى», - دەگەن ٷكٸمەت باسشىسى ٷكٸمەتٸڭ قازٸرگٸ مٸندەتٸم بيزنەستٸڭ دامۋىنا قولداۋ كٶرسەتۋ ەكەنٸن اتادى.
«جالپى, وسى قابىلدانىپ وتىرعان شارالار اعىمداعى جىلعى ەلٸمٸزدٸڭ ەكونوميكاسىنىڭ ٶسۋ قۇرىلىمىندا 0,8 پايىزدىق پۋنكتكە دەيٸن قۇرايتىن بولادى. وسىعان بايلانىستى مىناداي تاپسىرما بەرەمٸن: بٸرٸنشٸ, ۇلتتىق ەكونوميكا مينيسترلٸگٸ مەملەكەتتٸك ورگاندارمەن بٸرگە ەكونوميكالىق ٶسۋدٸ قالپىنا كەلتٸرۋ جٶنٸندەگٸ جاڭارتىلعان كەشەندٸ جوسپاردىڭ ۋاقتىلى ورىندالۋىن قامتاماسىز ەتسٸن», - دەدٸ اسقار مامين.
ول ٷشٸن ٷكٸمەت تۇراقتى تٷردە «اتامەكەن» پالاتاسىمەن جەنە ٶڭٸرلٸك كەسٸپكەرلەر كەڭەستەرٸمەن بٸرگە بيزنەستٸ مەيلٸنشە تولعاندىراتىن مەسەلەلەردٸ جەدەل قاراپ, ولار بويىنشا تيٸستٸ شەشٸمدەر قابىلداۋى كەرەك.
«ەكٸنشٸ, بيزنەستٸ سالىقتىق ىنتالاندىرۋ جٶنٸندەگٸ زاڭنامالىق تٷزەتۋلەر پاكەتٸن قابىلداۋ قامتاماسىز ەتٸلسٸن جەنە 2021 جىلعى 1 ماۋسىمعا دەيٸن پارلامەنتتە تيٸستٸ جۇمىس جٷرگٸزسٸن. ٷشٸنشٸ, مەملەكەتتٸك ورگاندار, ەكٸمدٸكتەر, «دامۋ» قورى «اتامەكەن» پالاتاسىمەن بٸرگە قولداۋدىڭ بارلىق تٷرٸن الۋعا بيزنەستەن تٷسەتٸن ٶتٸنٸمدەردٸڭ اسا قىسقا مەرزٸمدە قارالۋىن قامتاماسىز ەتسٸن», - دەپ تٷيٸندەدٸ پرەمەر-مينيستر.
