QR Premer-Ministri A. Maminniń tóraǵalyǵymen ótken Úkimet otyrysynda shikizattyq emes eksportty ilgerletý máseleleri jáne ulttyq eksporttyq saiasatty iske asyrý barysy qaraldy.
Atqarylyp jatqan jumystar týraly Ulttyq ekonomika ministri R. Dálenov, Indýstriia jáne infraqurylymdyq damý ministri R. Skliar, Aýyl sharýashylyǵy ministri S. Omarov, sonymen qatar «Báiterek» UBH» AQ basqarma tóraǵasy A. Áriphanov baiandady. Óz kezeginde Syrtqy ister ministri B. Atamqulov syrtqy naryqtarda eksporttyq ónimdi ilgerilertý týraly aqparattandyrdy.
«Elimizdiń eksporttyq áleýetin damytý – ekonomikanyń sapaly ósimin qamtamasyz etýdiń strategiialyq mańyzdy faktory.
2018 jyldyń qorytyndysy boiynsha shikizattyq emes eksport kólemi $23 mlrd qurady, sonyń ishinde shikizattyq emes taýarlar eksportynyń kólemi — $15,7 mlrd jáne kórsetiletin qyzmetter eksporty — $7,3 mlrd.
Eksporttyq strategiiaǵa sáikes, QR Úkimetiniń aldynda 2022 jylǵa qarai shikizattyq emes eksportty $32 mlrd deiin jetkizý mindeti tur», — dedi A. Mamin.
QR Premer-Ministri EAEO aiasynda seriktes eldermen, Qytaimen jáne basqa da memlekettermen saýda ainalymyn ulǵaitýdyń basty sharty otandyq taýarlar men kórsetiletin qyzmetterdiń básekege qabilettiligin arttyrý ekenin atap ótti. Bul úshin eksportty memlekettik qoldaý sharalary qarastyrylǵan, Qazaqstandyq indýstriia jáne eksport ortalyǵy quryldy. Biznesti memlekettik qoldaýdyń qarjylai quraldary óndiristen bastap eksportqa deiin bir jerde shoǵyrlanady.
«Transshekaralyq infraqurylymnyń sapasy men qoljetimdiligin arttyrý jumystaryn kúsheitý qajet. Bul asa mańyzdy, sebebi bizdiń kórshiles saýda seriktesterimizdiń ekonomikalarynyń ósý boljamdary turaqty.
Otandyq aýyl sharýashylyǵy eksportyn ilgeriletýge jekelei kóńil bólindi.
Bizdiń ónimderimiz basqa elderde tanymal bolýy tiis, ári ortaq eksporttyq brendti qurý arqyly eksportty damytý qajet», — dep, QR Úkimetiniń basshysy olardy syrtqy naryqtarǵa qarqyndy túrde shyǵarý qajet ekenine nazar aýdardy.
Bul úshin qazaqstandyq óndirýshiler óndiretin taýarlardyń sapasyn joǵarylatyp, eksportqa shyǵarylatyn elderdiń talaptaryna jáne reglamentterine tolyq sáikestigin qamtamasyz etýi qajet ekenin atap ótti.
«Zamanaýi zerthanalyq bazany qurý kerek. Bul biznestiń óz taýarlary men kórsetiletin qyzmetterine tiisti sertifikattar alýyna kómektesedi», — degen Premer-ministr eksportqa baǵdarlanǵan taýarlardy halyqaralyq elektrondy saýda alańdary arqyly satý máselesin pysyqtaý qajet ekenin eskertti.
A. Mamin máseleni qaraý qorytyndysynda bir ai merzimde barlyq salalar boiynsha eksportty damytý jáne kórsetiletin qyzmetterdiń basym sektorlaryn qosa jol kartalaryn ázirleýdi, sondai-aq, halyqaralyq deńgeige sai keletin qazaqstandyq standarttar, tehnikalyq reglamentter men normalardy ázirlep, engizýdi tapsyrdy.
