Úkimet basshysy Asqar Mamin Arysta qaza tapqan eki adamnyń týǵan-týystaryna kóńil aitty, dep habarlaidy Sputnik Qazaqstan.
"Memleket basshysy Qasym-Jomart Kemeluly keshe oqiǵa ornynda boldy. Osy tótenshe jaǵdai boiynsha naqty tapsyrmalar berdi. Barlyq tiisti shara uiymdastyryldy. Arys qalasynyń turǵyndary qaýipsiz jerge túgel kóshirildi. Úkimet tarapynan qajetti sharalar atqarylatyn bolady. Búkil el qiyndyqty eńserýge atsalysýda. Osy rette «Nur Otan» partiiasy Arys qalasyna kómek kórsetý maqsatynda qarajat jinaý bastamasyn qolǵa aldy.
Ókinishke qarai, eki adam – azamattyq tulǵa jáne áskeri qyzmetker qaza tapty. Osy oraida olardyń týǵan-týystaryna kóńil aitamyz", - dedi Mamin úkimettiń búgingi otyrysynda
