Mańǵystaý óńirine jumys sapary barysynda Asqar Mamin oblys ákimi S. Trumovtyń óńirde mal sharýashylyǵy salasynda qalyptasqan jaǵdai jáne qurǵaqshylyqtan zardap shekken aýdandardy jem-shóppen qamtamasyz etý boiynsha júrgizilip jatqan jumystar týraly baiandamasyn tyńdady. Bul týraly primeminister.kz saity habarlady.
Aqtóbe, Batys Qazaqstan jáne Qostanai sekildi kórshiles oblystardan shóp jetkizý jáne ótkizý jolǵa qoiylǵan. 1200 tonnadan astam arpa ákelindi, olar fermerlerge naryqtyq baǵadan tómen baǵamen satyldy. QR Úkimeti Mańǵystaý oblysynda maldyń analyq basyna arnalǵan azyqqa jumsalǵan shyǵyndardy ishinara óteýge 1,9 mlrd teńge bóldi. Premer-Ministrdiń tapsyrmasy boiynsha fermerlik sharýashylyqtarǵa qoljetimdi baǵamen kólemi 114,7 myń tonna daiyndalǵan shópti satyp alý jáne jetkizý úshin turaqtandyrý qoryn qalyptastyrýǵa, sondai-aq «Azyq-túlik kelisimshart korporatsiiasy» UK» AQ arqyly 56,3 myń tonna jem-shóp (kebek) satyp alýǵa qosymsha qajetti qarajat bólinedi.
Premer-Ministrdiń tapsyrmasy boiynsha fermerlik sharýashylyqtarǵa qoljetimdi baǵamen kólemi 114,7 myń tonna daiyndalǵan shópti satyp alý jáne jetkizý úshin turaqtandyrý qoryn qalyptastyrýǵa, sondai-aq «Azyq-túlik kelisimshart korporatsiiasy» UK» AQ arqyly 56,3 myń tonna jem-shóp (kebek) satyp alýǵa qosymsha qajetti qarajat bólinedi.
QR Premer-Ministri Asqar Mamin Qazaqstandaǵy alǵashqy TETYSBLU taqyryptyq parkiniń ashylý rásimine qatysty. Obekt Aqtaý qalasynyń týristik aimaǵynda ornalasqan, onda Ortalyq Aziiada teńdesi joq attraktsiondar – BluPower, Watermania, Snorri, sondai-aq 30-dan astam biregei attraktsiondar bar. Úkimet basshysy Aqtaý qalasynyń týristik aimaǵyn damytý jobalarynyń iske asyrylýyn tekserdi, atap aitsaq, golf klýby, saýda qatarlary, villalary men apartamentteri bar Hilton jáne Fairmont brendteriniń qonaq úileri, Aqualina Resort.
Qyrkúiek aiynda golf klýbynyń, saýda qatarlarynyń, villalar men «Fairmont» qonaq úiiniń qurylysy aiaqtalady dep josparlanǵan. A. Mamin aiaqtalýy osy jyldyń qazan aiyna josparlanǵan, týristik aimaqtyń tynys-tirshiligin qamtamasyz etýge arnalǵan uzyndyǵy 49 km qosymsha sý taratqyshtyń jáne uzyndyǵy 33 km KTQ-1-den KTQ-2-ge deiingi qysymdy kanalizatsiialyq kollektordyń qurylys barysymen tanysty. Premer-Ministr josparlanǵan nysandardyń, sondai-aq kólik jáne injenerlik-kommýnikatsiialyq infraqurylymnyń qurylysyn ýaqytyly aiaqtaýdy qamtamasyz etýdi tapsyrdy.
Premer-Ministrge óńirdegi balyq sharýashylyǵyn damytý, onyń ishinde bekire tuqymdas balyq túrlerin ósirý zaýyty qurylysynyń perspektivalyq jobalary, Kaspii teńizinde balyq aýlaýdy uiymdastyrý týraly baiandaldy. Sonymen qatar A. Mamin balyq jemin óndirý jáne otyrǵyzý materialyn óndirýge arnalǵan inkýbatsiialyq tsehty qurýdy qosa alǵanda, jylyna 30 myń tonnaǵa deiin balyq ósirý jáne qaita óńdeý boiynsha zamanaýi tehnologiialardy engize otyryp, «Injý Marjan» shyǵanaǵynda balyq ósirý keshenin qurý jobasymen tanysty. «Aqtaý teńiz porty» AEA-da Úkimet basshysyna jumsaq qaptama ydys, polimerlik qaptama, sorǵy shtangalary men mýftalar, kaýstikalyq soda jáne quramynda hlory bar ónimder jáne t. b. óndirý jónindegi investitsiialyq jobalar tanystyryldy. Premer-Ministrdiń «Quryq» parom keshenin jáne «Aqtaý» teńiz portyn aralaýy kezinde Qazaqstannyń tranzittik-kólik áleýetin damytý máseleleri qaraldy. Júkterdi aýystyryp tieý qýaty jylyna 6 mln tonnany quraidy.
Úkimet basshysy uzyndyǵy 24 shaqyrym bolatyn Aqtaý-Áýejai birinshi sanattaǵy avtomobil jolynyń salyný barysyn, sondai-aq uzyndyǵy 4,5 shaqyrym bolatyn «Honda» ortalyǵynan Ómirzaq aýylynyń T-tárizdi qiylysyna deiingi qalalyq avtomobil jolyn rekonstrýktsiialaý barysyn tekserdi. Atalǵan ýchaskelerdegi barlyq jumys túrlerin tolyq aiaqtaý biylǵy jyldyń birinshi qyrkúiegine josparlanǵan. A. Mamin «Transtelekom» AQ Derekterdi óńdeý ortalyǵynyń jumysymen tanysty. Joba quny – 6,8 mlrd teńge. Ortalyq Tier III deńgeiiniń qaýipsizdik jáne senimdilik standarttaryna sáikes keledi. Osyndai ortalyqtar Qazaqstannyń 9 qalasynda: Aqtaý, Atyraý, Aqtóbe, Oral, Qaraǵandy, Jezqazǵan, Qyzylorda, Nur-Sultan jáne Almaty qalalarynda salynǵan. Derekterdi óńdeý ortalyqtary klienttik serverlerdiń úzdiksiz qyzmetin qamtamasyz etýge, elde tsifrlandyrý úshin tehnologiialyq negiz bolýǵa arnalǵan.
