Qazaqstan Respýblikasy Premer-ministriniń Aqtaý qalasyna sapary kezinde «Transtelekom» kompaniiasy 2 gektardan asatyn jer teliminde turǵyzylǵan, aýdany 1664 m2 bolatyn Derekterdi óńdeý ortylyǵyn (DÓO) kórsetti, dep habarlaidy "Ult aqparat".
DÓO-nyń qurylysy 2020 jyly bastalyp, 10 ai ishinde aiaqtalǵan. Qurylysqa 6,8 mlrd qarajat ketti. Karantinge bailanysty barlyq shekterýlerge qaramastan, TTS komandasy rekordtyq merzimde Aqtaýdy qosqanda Qazaqstannyń 9 qalasynda Tier III deńgeiindegi barlyq qaýipsizdik pen senimdilik standarttaryna sai data ortalyqtar salý boiynsha iri masshtabty jobany júzege asyra aldy.
«Zamanaýi DÓO – derektermen qaýipsiz almasýdy qamtamasyz etetin tsifrlyq qorǵan. Biyl derekterdi óńdeý ortalyqtarynyń óńirlik jelisin damytýdy josparlap otyrmyz. Qatysý geografiiasynyń keńeitilýimen birge bizge barlyq nysandardyń data-ortalyqtardyń infraqurylymy jáne ony paidalaný bóliginde Tier III deńgeiine sáikestigine kepildik berý mańyzdy», - dedi «Transtelekom» AQ-nyń basqarma tóraǵasy Elnar Adaibekov.
Kompaniia klientterine qazirdiń ózinde Aqtaý, Qaraǵandy, Qyzylorda, Atyraý, Aqtóbe, Oral, Jezqazǵan, Nur-Sultan jáne Almaty qalalarynda jumys istep jatqan data-ortalyqtardyń túrli servisteri qoljetimdi. Olardyń qatarynda: serverlik qurylǵyny ornatý (colocation), bultty infraqurylym (IaaS), rezervti kóshirý, ákimdik etý jáne basqa da servister.
