QR Premer-Ministri Asqar Mamin Mańǵystaý oblysyna jumys sapary barysynda Aqtaý kýrorttyq aimaǵynyń injenerlik jáne kólik infraqurylymyn damytý máseleleri jóninde keńes ótkizip, jańa qonaq úi-týristik keshenderdiń qurylysyn bastap berdi, dep habarlaidy Primeminister.kz.
Aqtaý qalasynyń kýrorttyq aimaǵynyń injenerlik-kólik infraqurylymyn damytý jónindegi jumystar týraly Premer-ministrdiń orynbasary R. Skliar, Mańǵystaý oblysynyń ákimi S.Trumov, energetika ministri N. Noǵaev, indýstriia jáne infraqurylymdyq damý vitse-ministri B. Qamaliev baiandady.
Aqtaý qalasynyń kýrorttyq aimaǵyn damytýdyń 2-shi kezeńi aiasynda áýejaidan keletin avtomobil jolyn tórt jolaqqa deiin keńeitý, gaz qubyryn, sondai-aq sýmen jabdyqtaý, sý burý jáne elektrmen jabdyqtaý júielerin salý kózdelgen.
Úkimet basshysy Aqtaý qalasynyń kýrorttyq aimaǵynyń injenerlik jáne kólik infraqurylymyn júrgizý jobalarynyń ýaqytyly iske asyrylýyn qamtamasyz etýdi tapsyrdy.
A. Mamin otandyq jáne sheteldik investorlarmen birlesip Fairmont, Double Tree by Hilton, Movenpick Hotels and Resorts brendterimen salynatyn otelderdiń, golf-klýb pen taqyryptyq oiyn-saýyq parki qurylysyn bastaý rásimine qatysty.
