Ekonomika ósiminiń turaqtylyǵyn qamtamasyz etýdiń mańyzdy faktorlarynyń biri - shaǵyn jáne orta biznesti ári qarai damytý. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Óńir ákimderi áleýmettik mańyzy bar azyq-túlik taýarlarynyń baǵasyn turaqtandyrýǵa erekshe nazar aýdarsyn. Jergilikti biýdjet esebinen forvardtyq azyq-túlik satyp alýdy qarjylandyrýdy 10 mlrd teńgege deiin ulǵaitýdy jáne «ainalym shemasy» boiynsha qarjylandyrýdy 50 mlrd teńgege deiin jetkizýdi qamtamasyz etý qajet. Iskerlik belsendilikti qalpyna keltirip, ekonomikany sapaly damytý úshin ishki jáne syrtqy investitsiiany, ásirese shikizattyq emes salalarǵa tartý úshin birlesip jumys júrgizý qajet. Bul - qazirgi jaǵdaida, Úkimet úshin basym mindetterdiń biri bolyp otyr», - dedi Asqar Mamin.
Úkimet basshysy ekonomika ósiminiń turaqtylyǵyn qamtamasyz etýdiń mańyzdy faktorlarynyń biri - shaǵyn jáne orta biznesti ári qarai damytý ekendigin basa aitty.
«Bul jumystyń negizgi basymdyǵy - jumyspen qamtý men halyqtyń naqty tabysyn arttyrý bolýy tiis. Sondyqtan, óńir basshylaryna Memleket basshysy qoiǵan mindetterdi tiimdi iske asyrýdy jáne eldiń áleýmettik-ekonomikalyq damýynyń josparlanǵan kórsetkishterine qol jetkizýdi qamtamasyz etýdi tapsyramyn», - dedi Premer-Ministr.
