Jambyl oblystyq Qazaqstan halqy Assambleiasy men Tilderdi damytý basqarmasynyń «Tilderdi oqytý ortalyǵy» mekemesi arasynda «Mámile» jobasynyń tujyrymdamasy ázirlenip, «Mámile» klýby ashyldy. Klýb tildi úirengisi keletinder men oǵan kómek kórsetetin, sondai-aq tildi meńgergen eriktilerge arnalǵan dialog alańy bolyp tabylady.
Memleket basshysy N.Á.Nazarbaevtyń tóraǵalyǵymen ótken Qazaqstan halqy Assambleiasynyń HHVI sessiiasynda qazaq tilin, mádenietin, tarihyn, filosofiiasyn, qazaq eliniń qundylyqtaryn nasihattaýǵa baǵyttalǵan «Qazaqtaný» jobasyn júzege asyrý basa aitylǵan bolatyn. «Qazaqtaný» bastamasynyń basty mindetteri — qazaqstandyq etnostar arasynda qazaq halqynyń gýmanitarlyq jáne adamgershilik qaǵidattaryn qalyptastyrý, Qazaqstan halqynyń birligi men dostyq dástúrlerin urpaqtan urpaqqa jalǵastyrýdyń tetigin qurý. Mine osy maqsatty kózdegen «Mámile» klýbynda memlekettik til arqyly qazaq halqynyń tasyn túrtse tarihy kórinetin árbir salt-dástúr, ádet-ǵuryptary, olardyń tereńdigi men shynaiy maǵynasy túsindiriledi. Sondai-aq kelýshiler kúndelikti ómirde qoldanylatyn stereotipti tildik shablondardy meńgeredi.
Klýbtyń ashylý saltanatyna jiylǵan jurtshylyqtyń aldynda alǵashqy bolyp sóz sóilegen oblys ákimdiginiń Tilderdi damytý basqarmasynyń basshysy Sulýshash Qurmanbekova:
– «Qazaqtaný» jobasy boiynsha oblystyq Qazaqstan halqy Assambleiasy qarqyndy jumys isteýde. Qazaqtaǵy «ata tegi», «jeti ata», «bata-tilek» t.b. siiaqty joralǵylardy sonaý ata-babamyzdan beri mura retinde saqtap kelemiz. «Qazaqtaný» oqýlarynda til úirenýmen birge salt-dástúr, ádet-ǵuryptardyń da tereń maǵynasy túsindiriledi. «Mámile» degenimiz – kelisim, bitim degen maǵynany bildiredi. Assambleiamyzdyń jumystarynyń da negizgi maqsaty – qoǵamdyq kelisim bolǵandyqtan, mámile, kelisimderdiń biz úshin mańyzy óte zor», – dei kele, jiylǵan jurtty «Mámile» klýbynyń atqaratyn birqatar mindetteri men maqsattarymen tanystyra ketti.
Jiyn barysynda sóz alǵan oblystyq Qazaqstan halqy Assambleiasy tóraǵasynyń orynbasary, hatshylyq meńgerýshisi Marjan Qojaeva da biylǵy jyldan bastaý alyp otyrǵan igi bastamanyń mán-jaiyn kópshilikke uǵynyqty etip túsindirip berdi.
– Sonaý shaǵatai tilinen beri qazaq tiline deiin tildik qorymyz bai halyqpyz. Qazaq tili – san jaǵynan álem tilderi ishinde 70-shi orynda, túrki tilderiniń arasynda tórtinshi turǵan, al til bailyǵy jaǵynan úshinshi oryndy alatyn, túrkilik bolmysynyń saqtalýy jaǵynan kelgende eń birinshi orynda turǵan til bolyp tabylady. Qazaq tili arqyly ulttyq qundylyqtar, uly muralardy qaita jańǵyrtýǵa bolady. «Mámile – óz halqynyń bolashaǵyn oilaityn árbir azamattyń kókeikesti armany men qazaq tilin úirený arqyly Qazaqstan jerindegi búkil halyqtyń birligi men berekesin arttyrýǵa negizdelgen tyń dúnie. Atalǵan joba elimizdiń rýhani qundylyqtaryn, ata-babalarymyzdyń danalyqtaryn qazaq tili arqyly nasihattaý bolyp tabylady, – dedi Marjan Tóreǵulqyzy.
Klýbtyń ashylýyna tildiń kásibi oqytýshylary, kreativti jáne jarqyn spikerler de kelip qatysyp, atalǵan joba tóńireginde óz oilary men usynystaryn ortaǵa saldy.
Sharanyń sońynda «Mámile» klýbynda ótkiziletin qazaq tilinde sóileý órnekteri, ulttyq maqal-mátelder, frazeologizmderi taqyryptary turǵysynda túrli mysaldar keltirilip, sonymen birge dáriske qatysýshylardyń sóileýge degen ynta-jigerin arttyrý, qyzyqtyrý máseleleri talqylandy. Uiymshyldyq, yntymaqtyq sezimderdi oiatý sabaqtarynyń alǵashqy dárisi oidaǵydai qorytyndylandy.
