Almaty oblysynyń Boraldai kentinde ornalasqan qoǵamdyq tamaqtaný ornynda daiyndalǵan taǵamdy tutynǵannan keiin 19 adam taǵamnan ýlaný belgilerimen aýrýhanaǵa jatqyzyldy, dep habarlaidy ult.kz.
Oqiǵa «Alataý» bazary aýmaǵyndaǵy Sushi Time qoǵamdyq tamaqtaný ornynda bolǵan. Zardap shekkender meditsinalyq kómekke júgingennen keiin sanitariialyq-epidemiologiialyq qyzmet, densaýlyq saqtaý mekemeleri men jergilikti atqarýshy organdar shuǵyl áreketke kóshti.
Qazirgi ýaqytta Ile aýdandyq sanitariialyq-epidemiologiialyq baqylaý basqarmasy tekserý júrgizip jatyr. Mamandar zerthanalyq saraptama jasaý úshin taǵam ónimderinen synamalar alǵan.
Vedomstvo málimetinshe, tekserý aiaqtalyp, oqiǵanyń mán-jaiy tolyq anyqtalǵanǵa deiin qoǵamdyq tamaqtaný ornynyń qyzmeti ýaqytsha toqtatyldy.
Mamandar jaz mezgilinde qoǵamdyq tamaqtaný oryndaryn tańdaýda saq bolýǵa shaqyrady. Sondai-aq qusý, ish ótý nemese dene qyzýynyń kóterilýi siiaqty belgiler baiqalǵan jaǵdaida ózdiginen em qabyldamai, dereý dárigerge qaralý qajet ekenin eskertti.
Qazir oqiǵanyń barlyq mán-jaiy anyqtalyp jatyr.
