Koronavirýs infektsiiasyna qarsy vaktsinatsiiadan keiin paida bolatyn antidene aǵzadan 6 aidan soń joiylyp ketedi. Bul týraly Qoǵamdyq densaýlyq saqtaý ulttyq ortalyǵy direktorynyń orynbasary Ainagúl Qýatbaeva aitty, - dep habarlaidy Tengrinews.kz.
"Búginde ǵalymdar ekpeden keiingi aǵzada qalyptasatyn antidene óte tózimsiz jáne az ýaqytqa ǵana jetedi dep aityp otyr. Tek bizdiń ǵalymdar emes, búkil Jer sharyndaǵy ǵalymdar osyndai tujyrymǵa keldi. Antidene 6 aidan keiin aǵzadan joiylyp ketedi", - dedi Qýatbaeva Ortalyq kommýnikatsiialar qyzmetinde ótken brifingte.
Qoǵamdyq densaýlyq saqtaý ulttyq ortalyǵy direktorynyń orynbasary reseilik "Spýtnik V" vaktsinasyn saldyrǵannan keiingi áserinen qorqýdyń keregi joǵyn aitty.
"Dene del-sal bolýy jáne qyzýy kóterilýi múmkin, sonymen qatar vaktsina salǵan jer azdap qyzarady. Nevrologiia tarapynan belgiler de bolýy múmkin. 400-den astam azamattarda osyndai jaǵdai tirkeldi. Arnaiy em-dom qabyldaǵan joq. Birinshi kúni-aq em-domsyz, tez aiyqty. Adam aǵzasyna syrttan aqýyz túskende, onyń ishinde vaktsinany da aitýǵa bolady, antidene qalyptasady. Osyǵan bailanysty dene qorǵaný qabiletterin qosady. Osy mezette joǵaryda aitqan belgiler paida bolady. Budan qorqýdyń qajeti joq", - dedi ol.
