Ósimdikter biologiiasy jáne biotehnologiiasy institýty Molekýlalyq biologiia zerthanasynyń meńgerýshisi Diliara Gritsenko aǵzada virýsty anyqtaýdyń mán-jaiy týraly aitty, dep habarlaidy QazAqparat.
«Testileýdiń infektsiiaǵa qatysty sezimtaldyǵy tómen ekendigi týraly kóp aityldy. PTR tásili koronavirýs infektsiiasyn anyqtaýmen qatar, AITV men virýsty gepatitti anyqtaý úshin paidalanylyp keledi. Osy testilerdiń kómegimen naýqastardy esepke qoiý iske asyrylyp, virýstyq ahýal anyqtalady», - dedi ol koronavirýstyń ekinshi tolqynyń júrý múmkindigin talqylaýǵa arnalǵan onlain jiynda.
Mamannyń aitýynsha, koronavirýs infektsiiasy kúdigimen adamdardyń qai kezeńde keletindigi mańyzdy bolyp otyr.
«Inkýbatsiialyq kezeńde virýsty anyqtaý aitarlyqtai qiyn. 5-ten 14 kúnge deiin sozylatyn inkýbatsiialyq kezeńde simptomdar paida bolǵansha virýstyń qarqyndy kóbeiýi bolady. Simptomdardan keiin besinshi, altynshy kúnde virýstyq júkteme tómendei bastaidy. Pnevmoniia ári virýsty etiologiiasy bar adamdardyń kóbisi ózderinde koronavirýs anyqtalmaǵanyn, alaida barlyq simptomdar koronavirýs infektsiiasyna uqsas ekenin aitty. Ókinishke qarai, osy kezeńde virýstyq júkteme tómendeidi, sondai-aq bakterialdyq belgiler baiqalady. Osy jaǵdaida anyqtaý qiynǵa túsedi» - dedi D. Gritsenko.
Onyń sózineshe, virýsty infektsiialarǵa qatysty tekserý kúrdelileý. Sonymen qatar dignostikasy da qiyndaý, sebebi virýstardyń mýtatsiiasy óte jyldam júredi.
