Qazaqstan Respýblikasy Prezidenti Ákimshiliginiń kelisimimen Túrkistan oblysynyń ákimi J.Túimebaevtyń ókimimen Túrkistan oblysy ákiminiń orynbasary bolyp Otarbaev Málik Nurjanuly taǵaiyndaldy. Bul týraly Túrkistan oblysy ákiminiń baspasóz qyzmeti habarlady.
Málik Nurjanuly 1980 jyly 2 aqpanda Jambyl oblysy, Aqjar aýylynda týylǵan.
Eńbek jolyn 2001 jyly Ál-Farabi atyndaǵy Qazaq Ulttyq ýniversitetiniń Halyqaralyq qatynastar fakýltetinde stajer-zertteýshi bolyp bastaǵan.
2003 - 2016 jyldar aralyǵynda Ál-Farabi atyndaǵy Qazaq Ulttyq ýniversitetiniń Halyqaralyq qatynastar fakýltetinde aspirant, «Dialog» Eýraziia-Qazaqstan» jýrnalynyń jaýapty hatshysy, bas redaktory, bas úilestirýshisi, Qazaqstan Jazýshylar odaǵyna qarasty «Qalamger» jýrnalynyń bas úilestirýshisi Qazaqstan Respýblikasy Mádeniet jáne sport ministrliginiń Halyqaralyq túrki mádenietin damytý TÚRKSOI uiymyndaǵy ókili bolyp qyzmetter atqarǵan.
2016 jylǵy sáýir aiynan Qazaqstan Respýblikasy Túrkiia Respýblikasyndaǵy elshiliginiń Úshinshi hatshysy laýazymyn atqaryp keldi.
Sondai-aq, aita ketsek Málik Nurjanuly Qazaqstan Jazýshylar Odaǵynyń múshesi, basqarma múshesi jáne hatshysy. Qazaqstan Jastar Odaǵy «Serper» syilyǵynyń laýreaty. «Aq Jaiyq» jýrnalynyń J.Nájimedenov atyndaǵy syilyqtyń jáne «Jalyn» jýrnalynyń Ǵ.Músirepov atyndaǵy syilyqtyń iegeri.
Alǵashqy kitaby – «Oiqazan» atty ádebi-filosofiialyq oitolǵaýy 2010 jyly jaryq kórdi. Birqatar qazaq qalamgerlerin túrik tiline tárjimalaǵan.
2017 jyly «Baiandy baq» atty pesasy Atyraý oblystyq Mahambet atyndaǵy dramalyq teatry sahnalandy. Atalǵan spektakl EKSPO-2017 Halyqaralyq mamandyrylǵan kórmesi aiasynda M.Gorkii atyndaǵy dramalyq teatrynda qoiyldy. Túrkiiaǵa arnaiy shaqyrtý aldy.
Túrkiiada ai saiyn shyǵatyn «Kardesh kalemler» jýrnalyna Súiinbai, Jambyl, B.Soqpaqbaev, Sh.Murtaza, O.Súleimenov, N.Orazalin, R.Otarbaev syndy qazaq aqyn-jazýshylarynyń shyǵarmashylyqtary jóninde materialdardy jinaqtap, túrik tilinde jariialatqan.
Túrik tilinde jazǵan kórkem áńgimeleri sheteldik jáne respýblikalyq baspasóz betterinde jaryq kórdi. Ázerbaijan, orys, qyrǵyz tilderine aýdaryldy.
Qazaqstannyń Resei Federatsiiasyndaǵy Elshiliginiń qoldaýymen jaryq kórgen «Kazahstan-Rossiia: literatýrnyi almanah» atty jinaqqa «Búrjarǵan» atty áńgimesi endi (2016 j.).
Qazaqtyń aqyny S.Aronulynyń 200 jyldyq mereitolyq medalimen, qyrǵyz kompozitory J.Sheralievtiń 100 jyldyq estelik medalimen, Ál-Farabi atyndaǵy Qazaq Ulttyq ýniversitetiniń 80 jyldyq mereitoilyq medalimen marapattalǵan.
