قازاقستان رەسپۋبليكاسى پرەزيدەنتٸ ەكٸمشٸلٸگٸنٸڭ كەلٸسٸمٸمەن تٷركٸستان وبلىسىنىڭ ەكٸمٸ ج.تٷيمەباەۆتىڭ ٶكٸمٸمەن تٷركٸستان وبلىسى ەكٸمٸنٸڭ ورىنباسارى بولىپ وتارباەۆ مەلٸك نۇرجانۇلى تاعايىندالدى. بۇل تۋرالى تٷركٸستان وبلىسى ەكٸمٸنٸڭ باسپاسٶز قىزمەتٸ حابارلادى.
مەلٸك نۇرجانۇلى 1980 جىلى 2 اقپاندا جامبىل وبلىسى, اقجار اۋىلىندا تۋىلعان.
ەڭبەك جولىن 2001 جىلى ەل-فارابي اتىنداعى قازاق ۇلتتىق ۋنيۆەرسيتەتٸنٸڭ حالىقارالىق قاتىناستار فاكۋلتەتٸندە ستاجەر-زەرتتەۋشٸ بولىپ باستاعان.
2003 - 2016 جىلدار ارالىعىندا ەل-فارابي اتىنداعى قازاق ۇلتتىق ۋنيۆەرسيتەتٸنٸڭ حالىقارالىق قاتىناستار فاكۋلتەتٸندە اسپيرانت, «ديالوگ» ەۋرازييا-قازاقستان» جۋرنالىنىڭ جاۋاپتى حاتشىسى, باس رەداكتورى, باس ٷيلەستٸرۋشٸسٸ, قازاقستان جازۋشىلار وداعىنا قاراستى «قالامگەر» جۋرنالىنىڭ باس ٷيلەستٸرۋشٸسٸ قازاقستان رەسپۋبليكاسى مەدەنيەت جەنە سپورت مينيسترلٸگٸنٸڭ حالىقارالىق تٷركٸ مەدەنيەتٸن دامىتۋ تٷركسوي ۇيىمىنداعى ٶكٸلٸ بولىپ قىزمەتتەر اتقارعان.
2016 جىلعى سەۋٸر ايىنان قازاقستان رەسپۋبليكاسى تٷركييا رەسپۋبليكاسىنداعى ەلشٸلٸگٸنٸڭ ٷشٸنشٸ حاتشىسى لاۋازىمىن اتقارىپ كەلدٸ.
سونداي-اق, ايتا كەتسەك مەلٸك نۇرجانۇلى قازاقستان جازۋشىلار وداعىنىڭ مٷشەسٸ, باسقارما مٷشەسٸ جەنە حاتشىسى. قازاقستان جاستار وداعى «سەرپەر» سىيلىعىنىڭ لاۋرەاتى. «اق جايىق» جۋرنالىنىڭ ج.نەجٸمەدەنوۆ اتىنداعى سىيلىقتىڭ جەنە «جالىن» جۋرنالىنىڭ ع.مٷسٸرەپوۆ اتىنداعى سىيلىقتىڭ يەگەرٸ.
العاشقى كٸتابى – «ويقازان» اتتى ەدەبي-فيلوسوفييالىق ويتولعاۋى 2010 جىلى جارىق كٶردٸ. بٸرقاتار قازاق قالامگەرلەرٸن تٷرٸك تٸلٸنە تەرجٸمالاعان.
2017 جىلى «باياندى باق» اتتى پەساسى اتىراۋ وبلىستىق ماحامبەت اتىنداعى درامالىق تەاترى ساحنالاندى. اتالعان سپەكتاكل ەكسپو-2017 حالىقارالىق ماماندىرىلعان كٶرمەسٸ اياسىندا م.گوركيي اتىنداعى درامالىق تەاترىندا قويىلدى. تٷركيياعا ارنايى شاقىرتۋ الدى.
تٷركييادا اي سايىن شىعاتىن «كاردەش كالەملەر» جۋرنالىنا سٷيٸنباي, جامبىل, ب.سوقپاقباەۆ, ش.مۇرتازا, و.سٷلەيمەنوۆ, ن.ورازالين, ر.وتارباەۆ سىندى قازاق اقىن-جازۋشىلارىنىڭ شىعارماشىلىقتارى جٶنٸندە ماتەريالداردى جيناقتاپ, تٷرٸك تٸلٸندە جارييالاتقان.
تٷرٸك تٸلٸندە جازعان كٶركەم ەڭگٸمەلەرٸ شەتەلدٸك جەنە رەسپۋبليكالىق باسپاسٶز بەتتەرٸندە جارىق كٶردٸ. ەزەربايجان, ورىس, قىرعىز تٸلدەرٸنە اۋدارىلدى.
قازاقستاننىڭ رەسەي فەدەراتسيياسىنداعى ەلشٸلٸگٸنٸڭ قولداۋىمەن جارىق كٶرگەن «كازاحستان-روسسييا: ليتەراتۋرنىي الماناح» اتتى جيناققا «بٷرجارعان» اتتى ەڭگٸمەسٸ ەندٸ (2016 ج.).
قازاقتىڭ اقىنى س.ارونۇلىنىڭ 200 جىلدىق مەرەيتولىق مەدالٸمەن, قىرعىز كومپوزيتورى ج.شەراليەۆتٸڭ 100 جىلدىق ەستەلٸك مەدالٸمەن, ەل-فارابي اتىنداعى قازاق ۇلتتىق ۋنيۆەرسيتەتٸنٸڭ 80 جىلدىق مەرەيتويلىق مەدالٸمەن ماراپاتتالعان.
