Maqtaaral aýdanyna Atyraý oblysynan 20 tonna balyq pen gýmanitarlyq kómek kelip jetti, habarlaidy "Ult aqparat".
«Nur Otan» partiiasy Atyraý qalalyq filialynda balyqshylar sý tasqyny bolǵan óńirge balyq jiberý jóninde sheshim qabyldaǵan bolatyn. Búgin quryltaishysy Murat Ámirǵaliev bolyp tabylatyn «Amangeldi» óndiristik kooperativiniń balyqshylary jibergen qaiyrymdylyq júgi dittegen jerge jetkizildi. Balyq tielgen júk kólikteri ortalyq qoimaǵa kirip, atyraýlyqtardyń amanatyn tapsyrdy.
Sonymen birge, atalǵan qoimaǵa «Transservis Aqjol» kompaniiasy atynan azyq-túlik pen kiim-keshek jetkizildi. Júk kerýenin bastap kelgen osy kompaniianyń direktory Ótegen Ainabekov atyraýlyq azamattar arasynda kómektesýge niettiler óte kóp bolǵanyn aitty.
«Atyraýlyqtar Maqtaaraldaǵy apatty aýyr qabyldady. Kómektesemin deitin azamattar kóp. Biz Maqtaaralmen birgemiz! Aýyldar qalpyna kelip, budan bylai osy kieli Túrkistan óńiriniń qýanyshtary mol bolǵai», – dedi Ótegen Ainabekov.
