ماقتاارال اۋدانىنا اتىراۋ وبلىسىنان 20 توننا بالىق پەن گۋمانيتارلىق كٶمەك كەلٸپ جەتتٸ, حابارلايدى "ۇلت اقپارات".
«Nur Otan» پارتيياسى اتىراۋ قالالىق فيليالىندا بالىقشىلار سۋ تاسقىنى بولعان ٶڭٸرگە بالىق جٸبەرۋ جٶنٸندە شەشٸم قابىلداعان بولاتىن. بٷگٸن قۇرىلتايشىسى مۇرات ەمٸرعاليەۆ بولىپ تابىلاتىن «امانگەلدٸ» ٶندٸرٸستٸك كووپەراتيۆٸنٸڭ بالىقشىلارى جٸبەرگەن قايىرىمدىلىق جٷگٸ دٸتتەگەن جەرگە جەتكٸزٸلدٸ. بالىق تيەلگەن جٷك كٶلٸكتەرٸ ورتالىق قويماعا كٸرٸپ, اتىراۋلىقتاردىڭ اماناتىن تاپسىردى.
سونىمەن بٸرگە, اتالعان قويماعا «ترانسسەرۆيس اقجول» كومپانيياسى اتىنان ازىق-تٷلٸك پەن كيٸم-كەشەك جەتكٸزٸلدٸ. جٷك كەرۋەنٸن باستاپ كەلگەن وسى كومپانييانىڭ ديرەكتورى ٶتەگەن اينابەكوۆ اتىراۋلىق ازاماتتار اراسىندا كٶمەكتەسۋگە نيەتتٸلەر ٶتە كٶپ بولعانىن ايتتى.
«اتىراۋلىقتار ماقتاارالداعى اپاتتى اۋىر قابىلدادى. كٶمەكتەسەمٸن دەيتٸن ازاماتتار كٶپ. بٸز ماقتاارالمەن بٸرگەمٸز! اۋىلدار قالپىنا كەلٸپ, بۇدان بىلاي وسى كيەلٸ تٷركٸستان ٶڭٸرٸنٸڭ قۋانىشتارى مول بولعاي», – دەدٸ ٶتەگەن اينابەكوۆ.
