Búgin Qazaqstan Respýblikasy Ekologiia, geologiia jáne tabiǵi resýrstar ministri Maǵzum Myrzaǵaliev Ózbekstannyń Sý sharýashylyǵy ministri Shavhat Hamraevpen kezdesti, - dep habarlaidy QazAqparat.
Eki eldiń úkimet músheleri Maqtaaral aýdanynda bolǵan sý apatynan zaqym kelgen jerlerdi qalpyna keltirý jáne sý qoimalarynan keletin qaýiptiń aldyn alý boiynsha kelissóz júrgizýde.
QR Ekologiia, geologiia jáne tabiǵi resýrstar vitse-ministri Erlan Nysanbaevtyń málimdeýinshe, sý tasýy múmkin degen Shardara sý qoimasynan keletin eshqandai qaýip joq.
«Qazirgi sátte Maqtaaral jáne Jetisai aýdanynda jalpy kólemi 7649 gektar aýyl sharýashylyǵy jerleri zaqymdanǵan. Osyǵan bailanysty geologiialyq zertteý jumystary júrgizilip jatyr» - dedi E. Nysanbaev.
Sonymen qatar, kezdesý barysynda sý tasqyny bolǵan Maqtaaral aýdanynda aýylsharýashylyǵyna kelgen shyǵyn tolyq eseptelip jatqany aityldy.
Túrkistan oblystyq aýylsharýashylyǵy basqarmasynyń basshysy Nurbek Badyraqovtyń aitýynsha, eginshiler jyldyń ekinshi jartysynda da daqylyn qaita ósire almaidy.
Egin sharýashylyǵymen kún kórip otyrǵan kásipkerlerdiń jalpy shyǵyny 3 mlrdqa jýyqtaidy. Ótemaqy máselesi úkimettik komissiiaǵa usynyldy.
