Maqtaaral aýdanyndaǵy sý basqan Firdoýsi aýylyn qalpyna keltirý jumystary qarqyndy júrip jatyr. Eldimekende 302 úi memleketten 17 million teńge ótemaqyny alý úshin kelisimshartqa turǵan, dep habarlaidy "Ult aqparat".
Aýdandyq ákimdiktiń málimetinshe, kelisimshartqa turǵan úidiń barlyǵyna 1 transh boiynsha 17 million teńgeniń 50%-y aýdarylǵan. Qazirgi tańda qurylys jumystary jappai júrip jatyr. Sondai-aq, 2-shi transh boiynsha 2 úige joǵaryda atalǵan qarjynyń 25%-y aýdarylǵan. Nátijesinde 266 úidiń irgetasy qalanyp, 138 úidiń qabyrǵasy órilýde. Sonymen qatar, 19 úidiń shatyry jabylǵan. Budan bólek, 36 úidiń qurylys alańy daiyndalyp, qurylys jumystaryn bastaý úshin retke keltirilgen. Osy ýaqytqa deiin aýylda 314 úi buzylǵan. Jalpy, Firdoýside 1093 qurylysshy 24 ujymǵa birigip, qurylys jumystaryn qarqyndy júrgizýde. Buǵan deiin Ózbekstan Respýblikasy tarapynan ferdoýsilyqtarǵa úilerdi buzý úshin arnaiy tehnikalar bergen bolatyn.
