ماقتاارال اۋدانىنداعى سۋ باسقان فيردوۋسي اۋىلىن قالپىنا كەلتٸرۋ جۇمىستارى قارقىندى جٷرٸپ جاتىر. ەلدٸمەكەندە 302 ٷي مەملەكەتتەن 17 ميلليون تەڭگە ٶتەماقىنى الۋ ٷشٸن كەلٸسٸمشارتقا تۇرعان, دەپ حابارلايدى "ۇلت اقپارات".
اۋداندىق ەكٸمدٸكتٸڭ مەلٸمەتٸنشە, كەلٸسٸمشارتقا تۇرعان ٷيدٸڭ بارلىعىنا 1 ترانش بويىنشا 17 ميلليون تەڭگەنٸڭ 50%-ى اۋدارىلعان. قازٸرگٸ تاڭدا قۇرىلىس جۇمىستارى جاپپاي جٷرٸپ جاتىر. سونداي-اق, 2-شٸ ترانش بويىنشا 2 ٷيگە جوعارىدا اتالعان قارجىنىڭ 25%-ى اۋدارىلعان. نەتيجەسٸندە 266 ٷيدٸڭ ٸرگەتاسى قالانىپ, 138 ٷيدٸڭ قابىرعاسى ٶرٸلۋدە. سونىمەن قاتار, 19 ٷيدٸڭ شاتىرى جابىلعان. بۇدان بٶلەك, 36 ٷيدٸڭ قۇرىلىس الاڭى دايىندالىپ, قۇرىلىس جۇمىستارىن باستاۋ ٷشٸن رەتكە كەلتٸرٸلگەن. وسى ۋاقىتقا دەيٸن اۋىلدا 314 ٷي بۇزىلعان. جالپى, فيردوۋسيدە 1093 قۇرىلىسشى 24 ۇجىمعا بٸرٸگٸپ, قۇرىلىس جۇمىستارىن قارقىندى جٷرگٸزۋدە. بۇعان دەيٸن ٶزبەكستان رەسپۋبليكاسى تاراپىنان فەردوۋسيلىقتارعا ٷيلەردٸ بۇزۋ ٷشٸن ارنايى تەحنيكالار بەرگەن بولاتىن.
