Jumys saparymen Maqtaaral aýdanynda bolǵan Ómirzaq Shókeev osyndaǵy qurylys jumystaryn jyldamdatý boiynsha jaýaptylarǵa naqty tapsyrmalar júktedi, dep habarlaidy QazAqparat.
Sý tasqyny bolǵan aimaqta mobildi top qurylyp, ár úidiń qurylys barysy arnaiy ortalyq tarapynan onlain baqylaýǵa alynatyn bolady. Bul týyndaǵan máselelerdi der kezinde sheshýge yqpal jasaidy dep kútilýde. Sonymen qatar, qurylys júrip jatqan eldi mekender birneshe sektorǵa bólinip, jaýaptylar bekitilgen. Keles aýdany ákimdigi Firdaýsi aýyly, Jetisai aýdany Órgebas aýylyndaǵy qurylys jumystarynyń sapaly ári jyldam júrgizilýine jaýapty bolyp otyr.
Aita keteiik, atalǵan aýdanda sý shaiyp ketken úsh eldi meken turǵyndaryna Myrzakent kentinen jańadan baspanalar salynýda. 500-den asa turǵyn úidiń qurylysy tamyz aiynda aiaqtalyp, tapsyrylady dep josparlanǵan. Al, eki eldi mekenniń turǵyndary óz úilerin buzyp,ornyna jańasyn salyp jatyr. Árbir úidiń qurylysy úshin memleketten materialdyq kómek bólinip otyr.
