جۇمىس ساپارىمەن ماقتاارال اۋدانىندا بولعان ٶمٸرزاق شٶكەەۆ وسىنداعى قۇرىلىس جۇمىستارىن جىلدامداتۋ بويىنشا جاۋاپتىلارعا ناقتى تاپسىرمالار جٷكتەدٸ, دەپ حابارلايدى قازاقپارات.
سۋ تاسقىنى بولعان ايماقتا موبيلدٸ توپ قۇرىلىپ, ەر ٷيدٸڭ قۇرىلىس بارىسى ارنايى ورتالىق تاراپىنان ونلاين باقىلاۋعا الىناتىن بولادى. بۇل تۋىنداعان مەسەلەلەردٸ دەر كەزٸندە شەشۋگە ىقپال جاسايدى دەپ كٷتٸلۋدە. سونىمەن قاتار, قۇرىلىس جٷرٸپ جاتقان ەلدٸ مەكەندەر بٸرنەشە سەكتورعا بٶلٸنٸپ, جاۋاپتىلار بەكٸتٸلگەن. كەلەس اۋدانى ەكٸمدٸگٸ فيرداۋسي اۋىلى, جەتٸساي اۋدانى ٶرگەباس اۋىلىنداعى قۇرىلىس جۇمىستارىنىڭ ساپالى ەرٸ جىلدام جٷرگٸزٸلۋٸنە جاۋاپتى بولىپ وتىر.
ايتا كەتەيٸك, اتالعان اۋداندا سۋ شايىپ كەتكەن ٷش ەلدٸ مەكەن تۇرعىندارىنا مىرزاكەنت كەنتٸنەن جاڭادان باسپانالار سالىنۋدا. 500-دەن اسا تۇرعىن ٷيدٸڭ قۇرىلىسى تامىز ايىندا اياقتالىپ, تاپسىرىلادى دەپ جوسپارلانعان. ال, ەكٸ ەلدٸ مەكەننٸڭ تۇرعىندارى ٶز ٷيلەرٸن بۇزىپ,ورنىنا جاڭاسىن سالىپ جاتىر. ەربٸر ٷيدٸڭ قۇرىلىسى ٷشٸن مەملەكەتتەن ماتەريالدىق كٶمەك بٶلٸنٸپ وتىر.
