Maqtaaralda sý sorý jumystarynyń arqasynda ótken táýlik ishinde sý basqan aimaq 1100 ga azaiyp, 3100 ga qurady, dep habarlaidy "Ult aqparat" tótenshe jaǵdailar komitetine silteme jasap.
Sonymen qatar Nurlyjol, Firdoýsi, Órgebas, Dostyq jáne Jeńis eldi mekenderinde sý basqan 1 030 úiden sý tolyqtai soryp shyǵaryldy.
56 aýla jáne baý-baqsha ýchaskesi sý astynda qalyp otyr. Tótenshe jaǵdai saldaryn joiý jumysy táýlik boiy júrip jatyr. Oǵan IIM, QM, JAO jáne Ózbekstan TJM kúsh-quraldarynan barlyǵy 1475 adam, 219 tehnika, 13 júzý quraly, 207 motopompa jumyldyrylǵan.
Búgingi kúni 6,2 mln tekshe metrden astam sý soryldy. Jalpy uzyndyǵy 22 shaqyrym ýaqytsha bóget salyndy. 87 myńnan astam qap tóseldi jáne sý burý úshin 3 kollektor ornatyldy.
