Túrkistan oblysynyń politseileri karantindegi kezekti toidy toqtatty, dep habarlaidy "Ult aqparat" oblystyq politsiia departamentine silteme jasap.
Maqtaaral APB qyzmetkerleri men Maqtaaral aýdany ákimdigi birlesip, reid júrgizýde. Kezekti reid kezinde mobildi top músheleri aýdan aýmaǵynda tamaqtaný oryndarynda, saýda úilerinde, azyq-túlik dúkenderinde sanitarlyq talaptar men betperdelik rejiminiń saqtalýyn qadaǵalaýda.
Osy tusta karantin talaptaryna nemquraidy qarap, sanitarlyq normalardy buzǵan azamattarǵa túsindirme jumystary júrgizilip, hattama toltyryldy.
Qazirgi tańda Maqtaaral aýdanynda karantin talabyn oryndamaǵan 270 azamat anyqtalǵan. Onyń basym kópshiligi - belgilengen ýaqyttan keiin de jumys jasap turǵan dúken, oiynhana jáne toihana ieleri.
Mysaly, ýchaskelik politsiia inspektory saǵat 13:00 shamasynda Maqtaaral aýdany, Atakent aýylyndaǵy toihanada toi jasalyp jatqanyn anyqtady.
Nátijesinde toi toqtatylyp, toi iesine jáne toihananyń ákimshilik qyzmetkerine QR ÁQBtK 425-baby boiynsha hattama toltyrylǵan.
Maqtaaral politseileri Covid-19 koronavirýsqa bailanysty epidemiologiialyq jaǵdaidyń kúrdelenýine orai karantinniń saqtalýyn baqylaý jumysyn jalǵastyryp jatyr.
